ក្រុមអាជ្ញាធរលីបង់ បានឲ្យដឹងថា កងកម្លាំងអ៊ីស្រាអែល បានសម្លាប់មនុស្ស ២២នាក់នៅតំបន់ភាគខាងត្បូងប្រទេសលីបង់កាលពីថ្ងៃអាទិត្យម្សិលមិញ ពេលដែលឱសានវាទសម្រាប់ការដកទ័ពរបស់ពួកគេបានកន្លងផុតទៅ ។

កាលពីថ្ងៃអាទិត្យម្សិលមិញ មនុស្សរាប់ម៉ឺននាក់ បានព្យាយាមវិលត្រឡប់ទៅកាន់ផ្ទះរបស់ពួកគេវិញនៅភាគខាងត្បូងប្រទេសលីបង់ ជាការផ្គើនទៅនឹងបទបញ្ជាយោធាអ៊ីស្រាអែល ។

ក្រសួងសុខាភិបាលលីបង់ និយាយថា មនុស្ស ២២នាក់ ត្រូវបានសម្លាប់ និងមនុស្ស ១២៤នាក់ បានរងរបួសនៅទូទាំងតំបន់ភាគខាងត្បូងលីបង់ ពេលដែលពួកគេព្យាយាមធ្វើដំណើរចូលទៅកាន់ទីក្រុងនៅកាន់កាប់ដោយទាហានអ៊ីស្រាអែល ។

យោធាគាំទ្រដោយសហរដ្ឋអាមេរិកនៅក្នុងប្រទេសលីបង់ ដែលបានរាយការណ៍ថា ទាហានរបស់ពួកគេម្នាក់ស្ថិតក្នុងចំណោមអ្នកដែលត្រូវបានសម្លាប់ បានចោទប្រកាន់អ៊ីស្រាអែលថា ពួកគេព្យាយាមពន្យាពេលដកទ័ពរបស់ពួកគេចេញពីតំបន់ភាគខាងត្បូងលីបង់ ។

យោធាអ៊ីស្រាអែល និយាយថា ពួកគេបាញ់ព្រមាន ដើម្បីកំញ៉ោញការគំរាមកំហែងនៅតាមតំបន់ជាច្រើនជាទីដែលក្រុមជនសង្ស័យ ព្យាយាមខិតមកជិតទាហានរបស់ពួកគេ ។

ពលរដ្ឋលីបង់មួយរូបនិយាយថា វាមិនយុត្តិធម៌នោះទេ ក្នុងការហាមឃាត់ពួកគេពីការវិលត្រឡប់ទៅកាន់ផ្ទះសម្បែងរបស់ពួកគេវិញ ក្រោយពួកគេទន្ទឹងរង់ចាំអស់រយៈពេលជាង ១ឆ្នាំ ៤ខែមកហើយ ៕