រដ្ឋបាលរបស់ប្រធានាធិបតីអាមេរិក លោក Donald Trump បានបណ្តេញមេធាវីក្រសួងយុត្តិធម៌ជាង១០នាក់ ដែលធ្វើការលើសំណុំរឿងព្រហ្មទណ្ឌចំនួនពីរប្រឆាំងនឹងរូបលោក។

មន្ត្រីក្រសួងយុត្តិធម៌បានប្រាប់ទូរទស្សន៍ CBS News ថា ពួកគេត្រូវបានបណ្ដេញចេញពីតំណែង បន្ទាប់ពីរដ្ឋអាជ្ញាស្តីទីលោក James McHenry បានសន្និដ្ឋានថា ពួកគេមិនអាចជឿជាក់ក្នុងការអនុវត្តរបៀបវារៈរបស់ប្រធានាធិបតីដោយស្មោះត្រង់ ដោយសារតួនាទីសំខាន់របស់ពួកគេក្នុងការកាត់ទោសប្រធានាធិបតី។

មេធាវីទាំងនោះគឺជាផ្នែកមួយនៃក្រុមការងាររបស់អតីតរដ្ឋអាជ្ញាពិសេសលោក Jack Smith ដែលបានស៊ើបអង្កេតការចោទប្រកាន់លើលោក Trump ពីបទលួចយកឯកសាររដ្ឋាភិបាលដែលបានចាត់ថ្នាក់ និងការប៉ុនប៉ងត្រូវបានចោទប្រកាន់ពីបទមានចេតនាកែប្រែលទ្ធផលបរាជ័យក្នុងការបោះឆ្នោតឆ្នាំ ២០២០ របស់លោក។ 

ការបណ្ដាញកាលពីថ្ងៃចន្ទដើមសប្ដាហ៍នេះ បានចូលជាធរមានភ្លាមៗ។

គួររម្លឹកថាលោក Smith ត្រូវបានតែងតាំងជារដ្ឋអាជ្ញាពិសេសក្នុងឆ្នាំ ២០២២ ដើម្បីទទួលបន្ទុកលើសំណុំរឿងរបស់ក្រសួងយុត្តិធម៌ទាំងពីរលើលោក Trump ។

លោកប្រធានាធិបតីថ្មីរូបនេះ បានប្តេជ្ញាបណ្តេញរូបលោកក្នុងរយៈពេលពីរវិនាទីនៃការឡើងកាន់តំណែង ប៉ុន្តែរដ្ឋអាជ្ញាពិសេរូបនេះ បានលាលែងពីតំណែងមុនពេលចូលកាន់តំណែងរបស់លោកTrump ៕