ភ្នំពេញ៖ ថ្នាក់ដឹកនាំ​នៃ​អគ្គនាយកដ្ឋាន​ពន្ធដារ នៅ​ថ្ងៃទី​១០ ខែវិច្ឆិកា ឆ្នាំ​២០២១ នេះ បានធ្វើ​ទស្សនកិច្ច​មកកាន់​ក្រុមហ៊ុន HEINEKEN Cambodia ដើម្បី​ចាប់ផ្តើម​ដាក់អោយ​ដំណើរការ​ឧបករណ៍​វាស់ ចំណុះ​ស្រា​បៀរ​។ ឧបករណ៍​វាស់ចំណុះ​ស្រា​បៀរជា​ឧបករណ៍វាស់ចំណូល​ពន្ធ ដែល​ទើប​ដាក់ឱ្យ​អនុវត្តប្រកបដោយ​តម្លាភាព ខណៈ​ក្រុមហ៊ុន HEINEKEN Cambodia គឺជា​ក្រុមហ៊ុន​ទី​១ ដែល​បាន​បំពាក់​ឧបករណ៍​វាស់ ចំណុះ ស្រា​បៀរ​នេះ​។​

​ឯកឧត្ដម គង់ វិបុល ក្នុងនាម​ជា​អគ្គនាយក​នៃ​អគ្គនាយកដ្ឋាន​ពន្ធដារ​នៅ​ថ្ងៃនេះ បានធ្វើ ទស្សនកិច្ច​មកកាន់ ក្រុមហ៊ុន HEINEKEN Cambodia ដើម្បី​ដាក់ អោយ​ដំណើរការ ឧបករណ៍​វាស់ ចំណុះ ស្រា​បៀរ​លើក ដំបូង ក្នុង ប្រទេស​។

​​អគ្គនាយកដ្ឋាន​ពន្ធដារ​នាពេល​ថ្មីៗ​នេះ បាន​តម្រូវ​ឱ្យ​ក្រុមហ៊ុនផលិតស្រាបៀរ និង​ភេសជ្ជៈ​ដែល​គ្មាន​ជាតិ​សុរា ទាំងអស់​នៅ​ទូទាំង​ព្រះរាជាណាចក្រ​កម្ពុជា ដំឡើង​ឧបករណ៍​វាស់​ចំណុះ​នេះ ដើម្បី​តាមដាន​ផលិតកម្ម ស្រា​បៀរ​របស់ក្រុមហ៊ុនផលិតស្រា​បៀរ និងភេសជ្ជៈ ក្នុង គោលបំណង​ពង្រឹង​ការ​ប្រមូល ពន្ធ​។​

​ក្នុងឱកាស​នៃ​ពិធី​នេះ ឯកឧត្តម គង់ វិបុល អគ្គនាយក នៃ អគ្គនាយក ដ្ឋា​ន ពន្ធដារ បាន​កោតសរសើរ​ដល់​ក្រុមហ៊ុន HEINEKEN Cambodia ថា​ជា​ក្រុមហ៊ុន​គំរូ ដែល​បាន​ស្ម័គ្រចិត្ត​បំពាក់​ឧបករណ៍​នេះ​ដំបូង​គេ ក្នុងចំណោម​ក្រុមហ៊ុនផលិតស្រាបៀរ និង​ភេសជ្ជៈ​ដទៃទៀត​។ ឯកឧត្តម​បញ្ជាក់ថា ការបំពាក់​ឧបករណ៍​នេះ គឺជា​ឧបករណ៍ ក្នុងការ​វាស់ ចំណូល​ពន្ធ ដែល ទើប ដាក់ឱ្យ អនុវត្ត ប្រកបដោយ​តម្លាភាព រវាង​ក្រុមហ៊ុន និង​អគ្គនាយកដ្ឋាន​ពន្ធដារ​។​

​ជុំវិញ​ការបំពាក់ដាក់អោយ​ដំណើរការឧបករណ៍​វាស់ចំណុះ ស្រា​បៀរ​លើកដំបូង​នេះ ឯកឧត្តម គង់ វិបុល ក៏​សង្ឃឹម​ដែរ​ថា ក្រុមហ៊ុនស្រា​បៀរ និង​ភេសជ្ជ​: ដទៃទៀត នឹង​បំពាក់​ឧបករណ៍​នេះ​រួចរាល់​ត្រឹម​បំណាច់​ឆ្នាំ ២០២១​នេះ​។

ឯកឧត្តម​សង្កត់ធ្ងន់ថា ក្រុមហ៊ុន​ដែល​រឹងរូស​មិន​ព្រម​បំពាក់​ឧបករណ៍​នេះ នឹង​ប្រឈម​ការផាកពិន័យ​តាម​បទបញ្ញត្តិ និង​ច្បាប់​ពន្ធដារ​ដែលមាន​ជា​ធរមាន​។ សម្រាប់​ភាគី ក្រុមហ៊ុន លោក Chung Wah Samson Wong អគ្គនាយក​គ្រប់គ្រង របស់ ក្រុមហ៊ុន HEINEKEN Cambodia បា ន មាន ប្រសាសន៍ ថា​៖ «​វា​ជា​រឿង ធម្មតា ដែល ក្រុមហ៊ុន ព្យាយាម អនុលោម​តាម ច្បាប់ របស់ ព្រះរាជាណាចក្រ កម្ពុជា​។ យើងគាំ ទ្រដល់កិច្ចប្រឹងប្រែង របស់រាជរដ្ឋាភិបាលកម្ពុជា ក្នុងការ​ពង្រឹង តម្លា ភាព និងការប្រមូលប្រាក់ចំណូលពន្ធប្រកប ដោយ ប្រសិទ្ធភាព​។ យើងក៏មានកិត្តិយសផងដែរ ដែល​ត្រូវបានទទួលស្គាល់ ដោយ សម្តេចនាយក រដ្ឋមន្ត្រី ថា​ជា​អ្នកបង់ពន្ធធំ​ទី​១ នៅក្នុងប្រទេស​។

សូមបញ្ជាក់ថា ក្រុមហ៊ុន HEINEKEN Cambodia ក៏​ជា​ក្រុមហ៊ុន​ដែល​បង់ពន្ធ​ចូល​រដ្ឋ​ធំជាងគេ ក្នុងចំណោម​ក្រុមហ៊ុនផលិតស្រាបៀរ និង​ភេសជ្ជ​: ដទៃទៀត នៅ​កម្ពុជា​៕ ​អត្ថបទ​៖ គឹម​ហុក

​