​ចិន៖ ប្រធានាធិបតី​ចិន​លោក Xi Jinping បាន​ព្រមាន​កាលពី​ថ្ងៃ​ព្រហស្បតិ៍​ប្រឆាំង​នឹង​ការ​វិល​ត្រឡប់​ ទៅកាន់​ភាព​តានតឹង​ក្នុង​យុគសម័យសង្គ្រាមត្រជាក់​នៅ​ក្នុង​តំបន់​អាស៊ី​-​ប៉ាស៊ីហ្វិកដោយ​ជំរុញ​ឱ្យ​មាន​កិច្ច​សហប្រតិបត្តិការ​កាន់​តែ​ខ្លាំង​ លើ​ការ​ងើប​ឡើងវិញក្រោយពី​ការ​ឆ្លង​រាលដាល និង​បម្រែ​បម្រួល​អាកាសធាតុ​។​

​ស្រប​ពេល​មាន​ភាព​តានតឹង​កាន់​តែ​ខ្លាំង​ឡើង​ជាមួយ​សហរដ្ឋអាមេរិក​ជុំវិញ​កោះ​តៃវ៉ាន់ ដែល​ធូរស្រាលមួយ​ផ្នែក​ដោយ​កិច្ចព្រមព្រៀង​ដ៏​គួរ​ឱ្យ​ភ្ញាក់​ផ្អើល​មួយ​រវាង​ទីក្រុង​ប៉េកាំង និង​ទីក្រុង​វ៉ាស៊ីនតោន​ស្ដីពី​អាកាសធាតុ ដោយ​លោក Xi បាន​និយាយ​ថា ប្រទេស​ទាំងអស់​នៅ​ក្នុង​តំបន់​ត្រូវតែ​ធ្វើការ​ជាមួយគ្នា​លើ​បញ្ហា​ប្រឈម​រួមគ្នា​។ ​លោក​បាន​ប្រាប់​សន្និសីទ​ធុរកិច្ច​តាម​វីដេអូ​ នៅ​ខាងក្រៅ​កិច្ចប្រជុំ​កំពូល​កិច្ច​សហប្រតិបត្តិការ​សេដ្ឋកិច្ច​អាស៊ី​-​ប៉ាស៊ីហ្វិក​ថា រាល់​ការប៉ុនប៉ង​ដើម្បី​គូសបន្ទាត់​មនោគមវិជ្ជា ឬ​បង្កើត​ជា​រង្វង់​តូចៗ​នៅ​លើ​មូលដ្ឋាន​ភូមិសាស្ត្រ​នយោបាយ​គឺ​ត្រូវ​បរាជ័យ។​ «​តំបន់​អាស៊ី​-​ប៉ាស៊ីហ្វិក​មិន​អាច និង​មិន​គួរ​វិល​ទៅ​រក​ការ​ប្រឈមមុខ​ដាក់គ្នា និង​ការ​ខ្វែង​គំនិត​នៃ​យុគសម័យសង្គ្រាមត្រជាក់​ឡើយ​។​ ​មេដឹកនាំ​ចិន​បាន​អំពាវនាវ​ឱ្យមាន​កិច្ចខិតខំ​ប្រឹងប្រែង​រួមគ្នា​ដើម្បី​បិទ "​គម្លាត​នៃ​ភាពស៊ាំ​" ធ្វើឱ្យ​វ៉ាក់សាំង​បង្ការ​វីរុស Covid-19 ចូលទៅ​ដល់​ប្រទេស​កំពុងអភិវឌ្ឍន៍​កាន់តែ​ងាយស្រួល​។

​លោក​បាន​ប្រាប់​កិច្ចប្រជុំ​កំពូល​ដែល​រៀបចំ​ដោយ​ប្រទេស​នូ​វែ​ល​សេ​ឡង់​ថា "​យើង​គួរតែ​បកប្រែ​ការ​គំនិត​ស្រប ឬ​កូ​សង់​ស៊ី​សថា ​វ៉ាក់សាំង​គឺជា​គុណសម្បត្តិ​សាធារណៈ​ជាស​កល​ ទៅជា​សកម្មភាព​ជាក់ស្តែង​ដើម្បី​ធានា​ការចែក​ចាយ​ដោយ​យុត្តិធម៌ និង​សមធម៌​របស់​ពួកគេ។​ ​ប្រទេស​ចិន​កាលពី​ថ្ងៃ​ពុធ​បាន​និយាយថា ខ្លួន​បាន​ឈានដល់​ការយោគយល់​គ្នា​ជាមួយ​សហរដ្ឋអាមេរិក​ នៅក្នុង​កិច្ចប្រជុំ​កំពូល​នៅ​ទីក្រុង Glasgow ស្តីពី​ការប្រែប្រួល​អាកាសធាតុ ជា​តំបន់​សំខាន់​មួយ​ដែល​រដ្ឋបាល​របស់លោក​ប្រធានាធិបតី​ Joe Biden មើលឃើញ​ពី​សក្តានុពលសម្រាប់​កិច្ចសហប្រតិបត្តិការ​៕

អត្ថបទ៖ សុខមាន