បន្ទាយមានជ័យ៖ កាលពីនៅថ្ងៃទី២៨ ខែមករា ឆ្នាំ២០២៥ ​ម្សិលមិញ​នេះឯកឧត្តម ស្រី វុឌ្ឍី អនុរដ្ឋលេខាធិការក្រសួង កសិកម្ម រុក្ខាប្រមាញ់ ​និងនេសាទ អមដំណើរដោយ ក្រុមការងារ ជំនាញថ្នាក់ជាតិ និងថ្នាក់ក្រោមជាតិ ​បានចុះពិនិត្យមើលពីស្ថានភាពគ្រោះ​ រាំងស្ងួត​ លើដំណាំ​ស្រូវរបស់​ប្រជាពលរដ្ឋស្ថិត នៅក្នុងមូលដ្ឋានឃុំសឿ ​ឃុំរហាត់ទឹក​ និងឃុំគោកបល្ល័ង្គ ​ស្រុកមង្គលបូរី ខេត្តបន្ទាយមានជ័យ។

ជាលទ្ធផលនៃការចុះពិនិត្យនាពេលនោះដែរឃើញថា ទី១. ឃុំសឿ ដែលមានផ្ទៃដីដំាដុះ ស្រូវ​ពូជអូអឹម-៥៤៥១ ចំនួន ៥ ៨៥០ហិកតា ផ្ទៃដីប្រមូលផលសម្រេចបាន៨០% និងផ្ទៃដីដំណំាស្រូវរង ផលប៉ះពាល់ដោយគ្រោះរាំងស្ងួតមាន ចំនួន២៤៤ ហិកតា ​ស្មើនឹង១១២គ្រួសារ ដោយសារ​មិនមាន​ប្រភពទឹកស្រោចស្រពគ្រប់គ្រាន់ ​ក្នុងដំណាក់កាល ស្រូវមូល ដើម ផ្ទៃដីនេះ​នឹងបណ្តាល​ឲ្យរងការ​ខូចខាត​នៅមួយសប្តាហ៍ខាងមុខទៀត។ទី២. ឃុំរហាត់ទឹក មាន ផ្ទៃដី ដំាដុះ ស្រូវពូជអូអឹម-៥៤៥១ ។

យ៉ាងណាម៉ិញ​ឯកឧត្តម ស្រី វុឌ្ឈី ​អនុរដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ​បានណែនាំដល់មន្រ្តីជំនាញពាក់ព័ន្ធ និងអាជ្ញាធស្រុកមង្គលបូរី ​ត្រូវយកចិត្តទុកដាក់ខ្ពស់ចំពោះ​បញ្ហា​ការងារ​នេះធ្វើយ៉ាងណាត្រូវរិះរកនូវគ្រប់មធ្យោបាយ ដើម្បីរួមគ្នាដោះស្រាយបញ្ហាទាំង​អស់នេះ បានឆាប់រហ័សជូនពលរដ្ឋផងដែរ៕