នាយករដ្ឋមន្ត្រីអ៊ីរ៉ាក់លោក អាម៉េដ សៀ អាល់ ស៊ូដានី (Mohammed Shia' al-Sudani) បាននិយាយកាលពីថ្ងៃអង្គារថា រដ្ឋាភិបាលរបស់លោក ចាត់ទុកធនាគារពិភពលោក ជាដៃគូដ៏សំខាន់ ក្នុងដំណើរការកំណែទម្រង់ប្រទេសនេះ។

លោក អាល់ ស៊ូដានី បានធ្វើការអត្ថាធិប្បាយ នៅពេលជួបជាមួយលោក Ousmane Dione អនុប្រធានធនាគារពិភពលោក ប្រចាំតំបន់មជ្ឈិមបូព៌ា និងអាហ្វ្រិកខាងជើង ក្នុងអំឡុងពេលដែលពួកគេ បានពិភាក្សាអំពីវិធី ដើម្បីបង្កើនកិច្ចសហប្រតិបត្តិការរវាងភាគីទាំងពីរ ក៏ដូចជាវឌ្ឍនភាពនៃគម្រោងអភិវឌ្ឍន៍ នៅក្នុងប្រទេសអ៊ីរ៉ាក់។ នេះបើតាមសេចក្តីថ្លែងការណ៍របស់ការិយាល័យប្រព័ន្ធផ្សព្វផ្សាយរបស់ លោកនាយករដ្ឋ   មន្ត្រី។

ដោយកត់សម្គាល់ថា គម្រោងអភិវឌ្ឍន៍ក្នុងគោលបំណងបង្កើនសេដ្ឋកិច្ចមិនមែនប្រេង និងការបង្កើតឱកាសការងារ គឺជាអាទិភាពចម្បងសម្រាប់រដ្ឋាភិបាល លោក អាល់ ស៊ូដាន់ បានបញ្ជាក់ជាថ្មីពីការប្តេជ្ញាចិត្តរបស់រដ្ឋាភិបាលនេះ ក្នុងការជំរុញកំណែទម្រង់សេដ្ឋកិច្ចដែលគាំទ្រដល់វិស័យឯកជន និងបានស្នើដល់ធនាគារពិភពលោក ឲ្យពង្រឹងបទពិសោធននេះ បន្ថែមទៀត។ .

សម្រាប់ផ្នែករបស់ខ្លួន លោក Dione បានសន្យាការគាំទ្ររបស់ធនាគារពិភពលោក ក្នុងការផ្តល់មូលនិធិដល់គម្រោងប្រេង ថាមពល និងហេដ្ឋារចនាសម្ព័ន្ធរបស់អ៊ីរ៉ាក់ ដោយបន្ថែមថា ការរួមចំណែករបស់      សាជីវកម្មហិរញ្ញវត្ថុអន្តរជាតិ (IFC) ក្នុងការផ្តល់ហិរញ្ញប្បទានដល់គម្រោងវិស័យឯកជន ត្រូវបានគេសិក្សា។

សាជីវកម្មហិរញ្ញវត្ថុអន្តរជាតិ (IFC)គឺជាសមាជិកនៃក្រុមធនាគារពិភពលោក និងជាស្ថាប័នអភិវឌ្ឍន៍ពិភពលោកដ៏ធំបំផុត ដែលផ្តោតលើវិស័យឯកជន នៅក្នុងទីផ្សារដែលកំពុងរីកចម្រើន។