រដ្ឋាភិបាលប្រេស៊ីលកាលពីថ្ងៃអង្គារ បាននិយាយថា ខ្លួននឹងបង្កើតមជ្ឈមណ្ឌលទទួលភ្ញៀវសម្រាប់ជន អន្តោប្រវេសន៍ ដែលត្រូវបាននិរទេសចេញពីសហរដ្ឋអាមេរិក បន្ទាប់ពីមានភាពចម្រូងចម្រាស ជុំវិញលក្ខខណ្ឌ ទៅលើជើងហោះហើរនិរទេស នាពេលថ្មីៗនេះ។

រដ្ឋមន្ត្រីសិទ្ធិមនុស្ស និងពលរដ្ឋប្រេស៊ីល លោក Macaé Evaristo បានប្រាប់អ្នកកាសែត ក្នុងរដ្ឋធានីប្រេស៊ីលយ៉ា (Brasilia)ថា លោកប្រធានាធិបតីប្រេស៊ីល Luiz Inácio Lula da Silva បានផ្តល់ភ្លើងខៀវ ឲ្យបង្កើតប៉ុស្តិ៍ទទួលមនុស្សធម៌ នៅទីក្រុង Confins ជាទីក្រុងក្នុងរដ្ឋ Minas Gerais។  

ការសម្រេចចិត្តនោះ ត្រូវបានធ្វើឡើង ដោយសារតែលទ្ធភាពដែលជើងហោះហើរកាន់តែច្រើន នឹងមកដល់បន្ទាប់ពីជើងហោះហើរដំបូង ទៅដល់ប្រទេសប្រេស៊ីល ក្រោមរដ្ឋបាលថ្មីរបស់លោក Trump ជាមួយនឹងអ្នកនិរទេសចំនួន ៨៨នាក់ នៅលើយន្តហោះ នៅចុងសប្តាហ៍នេះ។ 

ប្រព័ន្ធផ្សព្វផ្សាយក្នុងស្រុក បានរាយការណ៍ថា មន្ត្រីរដ្ឋាភិបាល មានការរំខាន ដោយការពិតដែលថា ជនជាតិប្រេស៊ីល ត្រូវបានគេដាក់ខ្នោះដៃ បន្ទាប់ពីការឈប់សម្រាកមិនបានគ្រោងទុក នៅក្នុងទីក្រុងដ៏ធំបំផុតរបស់តំបន់ Amazon គឺទីក្រុង Manaus ដែលត្រូវបានជំរុញដោយបញ្ហាបច្ចេកទេសជាមួយយន្តហោះ។