រដ្ឋមន្ត្រីក្រសួងកសិកម្មលោកស្រី Oksana Lut បាននិយាយថា ការនាំចេញគ្រាប់ធញ្ញជាតិរបស់រុស្ស៊ី អាចសរុបប្រហែល ៥៧លានតោន នៅចុងបញ្ចប់នៃរដូវប្រមូលផលនេះ (ថ្ងៃទី០១ ខែកក្កដា ឆ្នាំ ២០២៤ ដល់ថ្ងៃទី ៣០ ខែមិថុនា ឆ្នាំ ២០២៥)។

លោកស្រី បានលើកឡើងថា៖«យើងមើលឃើញពីសក្តានុពលនៃរដូវកាលនេះ មានន័យថា ចាប់ពីថ្ងៃទី០១ ខែកក្កដា គឺមានប្រហែល ៥៧ លានតោន។ ជាការពិត គ្រាប់ធញ្ញជាតិ ៣៧លានតោន ត្រូវបាននាំចេញ នៅក្នុងឆមាសទី១នៃឆ្នាំនេះ សក្តានុពលបែបនេះ នៅតែបន្តកើតមាន។

ទន្ទឹមនឹងនេះដែរ ការនាំចេញគ្រាប់ធញ្ញជាតិកាលពីឆ្នាំមុន បានកើនឡើងដល់ ៧២ លានតោន។

លោកស្រីរដ្ឋមន្ត្រីបានបញ្ជាក់ថា មុននេះ រដ្ឋាភិបាលរុ ស្ស៊ីបានណែនាំកូតាពន្ធចំនួន ១០,៦ លានតោនសម្រាប់ការនាំចេញដំណាំធញ្ញជាតិពីប្រទេសក្រៅសហភាពសេដ្ឋកិច្ចអឺរ៉ុបអាស៊ី (EAEU) ចាប់ពីថ្ងៃទី ១៥ ខែកុម្ភៈ ដល់ថ្ងៃទី ៣០ ខែមិថុនា ឆ្នាំ២០២៥ ។ លោកស្រី បានបន្តថា៖«នេះជាកូតាតិចតួចមួយ គឺទាបជាងឆ្នាំមុន រហូតដល់ទៅបីដង»។