អ្នកជំនាញនៃអង្គការវិភាគចំនួនពីរបាននិយាយថា ចិន ហាក់ដូចជាកំពុងសាងសង់មជ្ឈមណ្ឌលស្រាវជ្រាវបន្ទុកបំផ្ទុះនុយក្លេអ៊ែរដោយឡាស៊ែរដ៏ធំសម្បើមមួយនៅភាគនិរតីនៃទីក្រុង មានយ៉ាង (Mianyang) ជាការអភិវឌ្ឍដែលអាចជួយបង្កើតអាវុធនុយក្លេអ៊ែរ និងការងាររុករកការបង្កើតថាមពល។

លោក Decker Eveleth អ្នកស្រាវជ្រាវនៅអង្គការស្រាវជ្រាវឯករាជ្យ CNA Corp មានមូលដ្ឋាននៅសហរដ្ឋអាមេរិក បាននិយាយថា រូបថតពីផ្កាយរណបបង្ហាញពី "តំបនទ្រនាប់ក្រៅ" ចំនួន៤ ដែលនឹងផ្ទុកទីតាំងឡាស៊ែរ និងទីតាំងពិសោធន៍កណ្តាលដើម្បីទ្របន្ទប់គោលដៅមានអ៊ីដ្រូសែនអ៊ីសូតូប ដែលឡាស៊ែរដ៏មានឥទ្ធិពលនឹងផ្ទុះរួមគ្នា ដោយបង្កើតជាថាមពល។

នេះគឺជាប្លង់ស្រដៀងគ្នាទៅនឹងមូលដ្ឋាននុយក្លេអ៊ែរ NIF របស់អាមេរិកតម្លៃ ៣,៥ពាន់លានដុល្លារ នៅភាគខាងជើងរដ្ឋកាលីហ្វ័រនីញ៉ា ដែលក្នុងឆ្នាំ២០២២ បានបង្កើតថាមពលច្រើនជាងមុន ពីប្រតិកម្មបំផ្ទុះនុយក្លេអ៊ែរ ជាជាងប្រើឡាស៊ែរ ដែលហៅថា "របកគំហើញវិទ្យាសាស្ត្រ"។

អ្នកជំនាញប៉ាន់ប្រមាណថា កន្លែងពិសោធន៍នៅរោងចក្រចិន គឺប្រហែល៥០% ធំជាងកន្លែងនៅ NIF ដែលបច្ចុប្បន្នជាមូលដ្ឋានធំជាងគេលើពិភពលោករួចទៅហើយ។

ការបំផ្ទុះឥន្ធនៈនុយក្លេអ៊ែរ អនុញ្ញាតឱ្យអ្នកស្រាវជ្រាវសិក្សាពីរបៀបដែលប្រតិកម្មបែបនេះដំណើរការ និងរបៀបដែលពួកគេអាចបង្កើតប្រភពថាមពលស្អាតមួយដោយប្រើប្រាស់ធនធានដ៏សម្បូរបែបបំផុតរបស់សកលលោក គឺអ៊ីដ្រូសែន ហើយវាក៏អាចឱ្យពួកគេពិនិត្យមើលភាពខុសប្លែកគ្នានៃការបំផ្ទុះ ដែលនឹងតម្រូវឱ្យធ្វើតេស្តជាតិផ្ទុះផងដែរ។ ប៉ុន្តែសន្ធិសញ្ញាហាមប្រាមការសាកល្បងនុយក្លេអ៊ែរទូលំទូលាយ ដែលទាំងចិន និងអាមេរិកជាហត្ថលេខី បានហាមឃាត់ការបំផ្ទុះនុយក្លេអ៊ែរនៅគ្រប់បរិស្ថានទាំងអស់៕