យោងតាមទីភ្នាក់ងារឧតុនិយមរបស់ប្រទេសជប៉ុន (JMA) បានឱ្យដឹងថា ព្រិលធ្លាក់ខ្លាំង ត្រូវបានគេរំពឹងថានឹងបន្តរហូតដល់ព្រឹកថ្ងៃសុក្រនៅភាគខាងកើតប្រទេសជប៉ុន ខណៈលំនាំសម្ពាធរដូវរងាត្រជាក់ខ្លាំង និងខ្យល់ត្រជាក់ នាំមកនូវការធ្លាក់ព្រិលកាន់តែខ្លាំង។

ដោយសារលំនាំសម្ពាធរដូវរងាកំពុងមានឥទ្ធិពល ព្រិលធ្លាក់កាន់តែខ្លាំងនៅទូទាំងភាគខាងជើង និងភាគខាងកើតប្រទេសជប៉ុន។ គិតត្រឹមម៉ោង១១ព្រឹក ម៉ោងក្នុងស្រុក ការធ្លាក់ព្រិលក្នុងរយៈពេល៦ ម៉ោងកន្លងទៅនេះ បានឈានដល់២៣សង់ទីម៉ែត្រនៅក្រុងNishiaizu ខេត្តFukushima ២២សង់ទីម៉ែត្រនៅក្រុងOguni ខេត្តYamagata ១៧សង់ទីម៉ែត្រនៅក្រុងAshibetsu ខេត្តHokkaido និង១៦សង់ទីម៉ែត្រនៅក្រុងNagahama ខេត្តShiga ។

ពពកព្រិល ត្រូវបានគេរំពឹងថានឹងរំកិលទៅភាគខាងត្បូងបន្ថែមទៀត ដោយនាំមកនូវការធ្លាក់ព្រិលខ្លាំងជាបន្តបន្ទាប់ទៅកាន់ខេត្ត Niigata និងតំបន់ Hokuriku រហូតដល់ព្រឹកថ្ងៃសុក្រ។

អាជ្ញាធរបានព្រមានពីការរំខានដល់ការដឹកជញ្ជូន និងបានជំរុញឱ្យមានការប្រុងប្រយ័ត្នចំពោះការធ្លាក់ព្រិល និងគ្រោះថ្នាក់ដែលទាក់ទងនឹងព្រិល។