សមាជិកសភាអាមេរិកពីររូបកំពុងអំពាវនាវឱ្យរដ្ឋបាលរបស់ប្រធានាធិបតីលោក Donald Trump ពិចារណាលើការរឹតបន្តឹងការនាំចេញបន្ទះឈីបឆ្លាតវៃសិប្បនិម្មិតដែលផលិតដោយក្រុមហ៊ុន អ៊ីនវីឌា (Nvidia ) ដោយចោទប្រកាន់ថា ក្រុមហ៊ុនបណ្ដាញសង្គម DeepSeekរបស់ចិនប្រើដែលបច្ចេកវិទ្យាបញ្ញាសិប្បនិម្មិត AI បានពឹងផ្អែកលើបន្ទះឈីបទាំងនោះ។

លោក John Moolenaar មកពីគណបក្សសាធារណរដ្ឋ និងលោក Raja Krishnamoorthi មកពី គណបក្សប្រជាធិបតេយ្យដែលដឹកនាំគណៈកម្មាធិការជ្រើសរើសសភាទទួលបន្ទុកលើប្រទេសចិន បានស្នើសុំឱ្យមានការចាត់វិធានការជាផ្នែកមួយនៃការត្រួតពិនិត្យពាណិជ្ជកម្មឡើងវិញ និងត្រូវបានដឹកនាំដោយក្រសួងការបរទេស ដែលបញ្ជាដោយលោក Trump ដើម្បីពិនិត្យលើប្រព័ន្ធត្រួតពិនិត្យការនាំចេញរបស់សហរដ្ឋអាមេរិក ដោយផ្តោតលើការអភិវឌ្ឍន៍ដែលពាក់ព័ន្ធជាយុទ្ធសាស្រ្ត។

សមាជិកសភាទាំងនោះបានសរសេរនៅក្នុងលិខិតមួយចុះថ្ងៃទី ២៩ ខែមករាថាយើងស្នើសុំ ជាផ្នែកមួយនៃការពិនិត្យឡើងវិញលើបញ្ហានេះ យើងសុំឲ្យអ្នកពិចារណាពីអត្ថប្រយោជន៍សន្តិសុខជាតិដ៏មានសារៈសំខាន់នៃការគ្រប់គ្រងកានាំចេញនៅលើបន្ទះឈីប H20របស់ក្រុមហ៊ុន អ៊ីនវីឌា និងបន្ទះឈីប ទំនើបស្រដៀងគ្នា គឺ បន្ទះឈីបវ៉លស៍ (Waltz)។

នៅក្នុងលិខិតដែលបានចេញផ្សាយកាលពីថ្ងៃព្រហស្បតិ៍សប្ដាហ៍នេះ ពួកគេបានចោទប្រកាន់ថាគំរូ បញ្ហាសិប្បនិម្មិតAI ដ៏ទំនើបដែលទើបចេញនាពេលថ្មីៗដោយបណ្ដាញសង្គម DeepSeek របស់ចិនបានធ្វើឱ្យមានការប្រើប្រាស់យ៉ាងទូលំទូលាយ នៃបន្ទះឈីប H20 របស់ក្រុមហ៊ុន អ៊ីនវីឌា ដែលបច្ចុប្បន្នស្ថិតនៅក្រៅវិសាលភាពនៃការគ្រប់គ្រងការនាំចេញរបស់សហរដ្ឋអាមេរិក៕