ប្រធានាធិបតីហ្វីលីពីនលោក Ferdinand Marcos Jr. នៅថ្ងៃសុក្រសប្ដាហ៍នេះ បានផ្ដល់កិច្ចព្រមព្រៀងមួយ ថាប្រទេសរបស់លោកនឹងដក ហើយប្រគល់ប្រព័ន្ធមីស៊ីលឲ្យទៅសហរដ្ឋអាមេរិកវិញ ប្រសិនបើចិនបញ្ឈប់នូវអ្វីដែលលោកហៅថា "អាកប្បកិរិយាលុកលុយ និងបង្ខិតបង្ខំ" របស់ខ្លួននៅក្នុងសមុទ្រចិនខាងត្បូងដែលមានជម្លោះ។ 

កងទ័ពសហរដ្ឋអាមេរិកបានដំឡើងប្រព័ន្ធមីស៊ីលរយៈចម្ងាយមធ្យម មានឈ្មោះថា ទីហ្វុង (Typhon) នៅភាគខាងជើងប្រទេសហ្វីលីពីនកាលពីខែមេសាឆ្នាំមុន ដើម្បីគាំទ្រដល់អ្វីដែលសម្ព័ន្ធមិត្តមានសន្ធិសញ្ញាយូរអង្វែងរបស់ខ្លួន បានពិពណ៌នាថាជាការហ្វឹកហាត់សម្រាប់ការត្រៀមខ្លួនប្រយុទ្ធរួមគ្នា។  

ប្រទេសចិនបានទាមទារម្តងហើយម្តងទៀតឱ្យហ្វីលីពីនដកប្រព័ន្ធមីស៊ីលចេញ ដោយនិយាយថា ប្រព័ន្ធមីស៊ីលនេះ កំពុងញុះញង់ឱ្យមានការប្រឈមដាក់គ្នាខាងភូមិសាស្ត្រនយោបាយ និងការរត់ប្រណាំងសព្វាអាវុធ។

នៅពេលសួរដោយអ្នកសារព័ត៌មានអំពីការរិះគន់របស់ចិនចំពោះប្រព័ន្ធមីស៊ីល លោក Marcos បាននិយាយថា លោកមិនយល់ពីគោលជំហររបស់ចិនទេ ព្រោះហ្វីលីពីន មិនធ្វើអត្ថាធិប្បាយលើប្រព័ន្ធមីស៊ីលរបស់ចិន មានឥទ្ធិពលខ្លាំងជាងអ្វីដែលយើងមានមួយពាន់ដងទៀត នោះទេ៕