ទីភ្នាក់ងារព័ត៌មាន ANI បានរាយការណ៍ថា សមាជិកសភាមកពីគណបក្សប្រឆាំងរបស់ប្រទេសឥណ្ឌា ត្រូវបានចាប់ខ្លួន កាលពីថ្ងៃព្រហស្បតិ៍ ទី៣០ ខែមករា ក្រោមការចោទប្រកាន់ពីបទរំលោភ និងវាយដំ។

លោក Rakesh Rathore ជាអ្នកតំណាងនៅមណ្ឌលបោះឆ្នោត Sitapur ភាគខាងជើងរដ្ឋ អ៊ុតតា ប្រទេស (Uttar Pradesh) ក្នុងសភាប្រទេសឥណ្ឌា ត្រូវបានចាប់ខ្លួនប៉ុន្មានថ្ងៃបន្ទាប់ពីស្ត្រីម្នាក់ បានចោទប្រកាន់លោក ពីបទរំលោភ និងវាយដំ។

ប្រព័ន្ធផ្សព្វផ្សាយ ឥណ្ឌាបានរាយការណ៍ថា លោកបានបដិសេធការចោទប្រកាន់នេះ ប៉ុន្តែតុលាការក្នុងតំបន់ បានបដិសេធមិនផ្តល់ការធានាឱ្យលោកនៅក្រៅឃុំឡើយ។

សារព័ត៌មាន Reuters ពុំអាចទាក់ទង លោក Rathore ឬមេធាវីរបស់លោក ដើម្បីសុំការអត្ថាធិប្បាយបានទេ។

សាព័ត៌មាន Times of India បានរាយការណ៍ថា នគរបាលក្នុងរដ្ឋ Uttar Pradesh បានចុះបញ្ជីករណីលើសមាជិកសភារូបនេះ កាលពីថ្ងៃទី១៧ ខែមករា បន្ទាប់ពីពាក្យបណ្តឹងរបស់ស្ត្រីម្នាក់ ដែលបានចោទប្រកាន់លោក Rathore ពីបទចាប់រំលោភ និងវាយដំលើរូបនាង។