លោកប្រធានាធិបតីអាមេរិក Donald Trump កាលពីថ្ងៃសៅរ៍ ១ កុម្ភៈបានបញ្ជាឱ្យដំឡើងពន្ធ ២៥ ភាគរយលើការនាំចូលពីកាណាដា និងម៉ិកស៊ិក និង១០ ភាគរយលើទំនិញពីប្រទេសចិន ដែលនឹងចាប់ផ្តើមពីថ្ងៃអង្គារទី៤ កុម្ភៈ ហើយបានប្រកាសថាវិធានការទាំងនោះ នឹងអនុវត្តរហូតដល់គ្រាអាសន្នថ្នាក់ជាតិអំពីសារធាតុហ្វង់តានីល (fentanyl) និងអន្តោប្រវេសន៍ខុសច្បាប់ ចំពោះសហរដ្ឋអាមេរិកត្រូវបញ្ចប់។

ក្រុមមន្ត្រីបានប្រាប់អ្នកសារព័ត៌មានថា ផលិតផលថាមពលពីប្រទេសកាណាដា នឹងមានកាតព្វកិច្ចត្រឹមតែ ១០ ភាគរយប៉ុណ្ណោះ ប៉ុន្តែការនាំចូលថាមពលរបស់ម៉ិកស៊ិក នឹងត្រូវគិតថ្លៃពេញ២៥ ភាគរយ។សេតវិមាននិយាយថា កាតព្វកិច្ចនេះ នឹងអនុវត្ត "រហូតដល់វិបត្តិបានធូរស្រាល"។

ចំណាត់ការទាំងនេះធ្វើឡើង ក្រោយការគំរាមកំហែងម្តងហើយម្តងទៀត ដែលលោក Trump បានធ្វើចាប់តាំងពីមិនយូរប៉ុន្មានបន្ទាប់ពីឈ្នះការបោះឆ្នោតប្រធានាធិបតីកាលពីឆ្នាំមុន។

វិធានការដំឡើងពន្ធរបស់លោកទំនងជានឹងបង្កឱ្យមានការសងសឹក និងហានិភ័យ ក្នុងការបញ្ឆេះសង្គ្រាម ពាណិជ្ជកម្មដែលអាចបង្កឱ្យមានការរំខានសេដ្ឋកិច្ចទូលំទូលាយ សម្រាប់ប្រទេសទាំងអស់ដែលពាក់ព័ន្ធ។

អ្វីដែលលោកកំពុងធ្វើ គូសបញ្ជាក់អំពីឆន្ទៈរបស់លោកក្នុងការប្រើប្រាស់ គោល​នយោបាយ​ពាណិជ្ជកម្ម សូម្បីតែសម្ព័ន្ធមិត្តធំៗបំផុតរបស់សហរដ្ឋអាមេរិកមួយចំនួនក៏ដោយ៕