កំពង់ធំ៖ រាជរដ្ឋាភិបាលបាន និងកំពុងយកចិត្តទុកដាក់លើសុខភាព ជីវៈភាពប្រជាពលរដ្ឋគ្រប់គ្នាៗក្នុងបរិបទ នៃការឆ្លងរីករាលដាលជំងឺកូវីដ១៩ តាមរយៈការផ្តល់ការឧបត្ថម្ភសាច់ប្រាក់ដល់គ្រួសារដែលមានជីវៈភាព ខ្វះខាត និងផ្តល់វ៉ាក់សាំងដោយឥតគិតថ្លៃដល់ប្រជាពលរដ្ឋគ្រប់ទីកន្លែង។

ថ្លែងក្នុងពិធីចែកអំណោយប្រជាពលរដ្ឋមានជីវភាពខ្វះខាតចំនួន៣០គ្រួសារ នៅក្នុងសង្កាត់កំពង់រទេះ ក្រុងស្ទឹងសែន កាលពីរសៀលថ្ងៃទី១១ ខែវិច្ឆិកា ឆ្នាំ២០២១, ឯកឧត្តម ងួន រតនៈ អភិបាលខេត្តកំពង់ធំ លើកឡើងថា រាជរដ្ឋាភិបាលកម្ពុជាបាន និងកំពុងយកចិទ្តទុកដាក់លើសុខភាព និងជីវៈភាពប្រជាពលរដ្ឋ ក្នុងបរិបទជំងឺកូវីដ១៩។ ឯកឧត្តមបន្តថា ប្រមុខរាជរដ្ឋាភិបាលផ្តោតសំខាន់បំផុតលើការជួយទ្រទ្រង់ជីវៈរបស់ ប្រជាពលរដ្ឋគ្រប់រូប ដែលមានជីវៈភាពខ្វៈខាត មានសមាជិកគ្រួសារអាក់ខានមិនបានទៅប្រកប ការងារផ្សេងៗធ្វើឲ្យបាត់បង់ប្រាក់ចំណូល ប្រឈមនិងភាពខ្វះខាតក្នុងការប្រើប្រាស់ថវិកាហូបចុកប្រចាំថ្ងៃ! ទន្ទឹមនោះ រាជរដ្ឋាភិបាលបានគិតគូរយ៉ាងល្អិតល្អន់ សម្រេចផ្តល់ថវិកាជូនដល់ប្រជាពលរដ្ឋទាំងអស់នេះ តាមរយៈការវាយតម្លៃដោយផ្ទាល់ពីអាជ្ញាធរមូលដ្ឋានលើកម្រិតជីវៈភាព ដើម្បីឧត្ថម្ភសាច់ប្រាក់ជួយ ទ្រទ្រង់ជីវៈភាពក្នុងបរិបទបិទខ្ទប់ ដើម្បីទប់ស្កាត់ការឆ្លងរីករាលដាលជំងឺកូវីដ១៩ នៅក្នុងសហគមន៍។ ស្របពេលជាមួយគ្នានេះ អាជ្ញាធរគ្រប់លំដាប់ថ្នាក់ ជាពិសេសអាជ្ញាធរក្រុង ស្រុក រួមជាមួយអាជ្ញាធរមូលដ្ឋាន ដែលនៅគៀកកិតជាមួយប្រជាពលរដ្ឋ តែងតែផ្តល់គ្រឿងឧបភោគបរិភោគដល់ក្រុមគ្រួសារដែលមានជីវៈភាព ខ្វះខាតផងដែរ។ ចំពោះក្រុមគ្រួសារដែលមានសមាជិកស្លាប់ដោយសារឆ្លងជំងឺកូវីដ១៩នាពេលបច្ចុប្បន្ន , រាជរដ្ឋាភិបាលចូលរួមរំលែកទុក្ខ ជាថវិកាចំនួន២លានរៀល ដើម្បីយកទៅចាតចែងក្នុងកិច្ចការងារផ្សេងៗ។ ក្នុងកាលៈទេសៈនេះដែរប្រមុខរាជរដ្ឋាភិបាល មានសម្តេចតេជោជាប្រមុខដឹកនាំ បានទទួលវ៉ាក់សាំង ការពារជំងឺកូវីដ១៩ ពីប្រទេសដែលជាមិត្ត និងធ្វើការបញ្ជារទិញបន្ថែមទៀត ដើម្បីបំពេញតម្រូវការ ចាក់ជូនប្រជាពលរដ្ឋកម្ពុជាគ្រប់ៗគ្នាដោយឥតគិតថ្លៃ នៅគ្រប់ទីកន្លែង ជាជំហ៊ានៗ រហូតមកដល់ពេលនេះ វ៉ាក់សាំងការពារជំងឺកូវីដ១៩ បាន និងកំពុងចាក់ដល់កុមារអាយុ៥ឆ្នាំ ក្នុងការបង្កើតភាពបន្ស៉ាំ ឈានទៅរកការបើកប្រទេស បើកសេដ្ឋកិច្ចគ្រប់ផ្នែក គ្រប់វិស័យ ក្នុងគន្លងថ្មីនៃការរស់នៅក្នុងបរិបទជំងឺកូវី ១៩។ បើទោះបីជាយ៉ាងនេះក្តី ឯកឧត្តម នៅតែបន្តអំពាវនាវដល់ប្រជាពលរដ្ឋគ្រប់រូប បន្តថែរក្សាអនាម័យ អនុវត្តន៍ឲ្យបានយ៉ាងម៉ឹងម៉ាត់តាមវិធានសុខាភិបាលឲ្យបានគ្រប់ៗ៕

សូមចុច Join Channel Telegram BTV News ដើម្បីទទួលព័ត៌មានថ្មីៗ