រដ្ឋាភិបាលរបស់ប្រទេសចិននៅថ្ងៃអាទិត្យ២កុម្ភៈ បានរិះគន់ចំពោះការដំឡើងពន្ធរបស់រដ្ឋបាល លោកTrump ១០ ភាគរយដែលត្រូវបានគំរាមកំហែងជាយូរមកហើយលើការនាំចូលទំនិញរបស់ចិន ខណៈទុកទ្វារបើកចំហសម្រាប់កិច្ចពិភាក្សាជាមួយសហរដ្ឋអាមេរិក ដែលអាចជៀសវាងជម្លោះកាន់តែជ្រៅ។

ក្រសួងហិរញ្ញវត្ថុ និងពាណិជ្ជកម្មចិន បាននិយាយថា ទីក្រុងប៉េកាំងនឹងប្រកួតប្រជែងពន្ធរបស់លោកប្រធានាធិបតី Donald Trump នៅអង្គការពាណិជ្ជកម្មពិភពលោក ហើយនឹងចាត់វិធានការប្រឆាំងមិនជាក់លាក់ ដើម្បីឆ្លើយតបទៅនឹងការដំឡើងពន្ធដែលនឹងចូលជាធរមាននៅថ្ងៃអង្គារទី៤ខែកុម្ភៈ។

លោក Trump កាលពីថ្ងៃសៅរ៍បានបញ្ជាឱ្យដំឡើងពន្ធ ២៥ ភាគរយលើការនាំចូលរបស់កាណាដានិងម៉ិកស៊ិក និង១០ ភាគរយលើទំនិញពីប្រទេសចិន ដោយនិយាយថាទីក្រុងប៉េកាំងត្រូវតែទប់ស្កាត់លំហូរនៃសារធាតុ ហ្វង់តានីល (fentanyl) ដែលជាគ្រឿងញៀនសម្លាប់មនុស្សចូលទៅក្នុងទឹកដីសហរដ្ឋអាមេរិក។

ការដាក់បន្ដឹងទៅកាន់អង្គការពាណិជ្ជកម្ម នឹងក្លាយជាវិធានការចាំបាច់បំផុតមួយដែលទីក្រុងប៉េកាំងធ្លាប់បានធ្វើប្រឆាំងនឹងការដំឡើងពន្ធលើរថយន្តអគ្គិសនីរបស់ចិន ពីសំណាក់សហភាពអឺរ៉ុប៕