​បាល់ទាត់៖ ​លោក Hansi Flick បាន​បង្កើត​ប្រវត្តិសាស្ត្រ​ដ៏​អស្ចារ្យ​មួយ​ដោយបាន​ក្លាយជា​គ្រូបង្វឹក​អាល្លឺម៉ង់​ទី១ ដែល​ដឹកនាំ​ក្រុម​ឈ្នះ ៦ប្រកួត​ដំបូង​ក្នុង​តំណែង​ក្រោយ​អាល្លឺម៉ង់​បំបាក់​លិ​ក​តេន​ស្តា​ញ ៩-០ ក្នុងការ​ប្រកួត​ជំ​រុះ World Cup ២០២២ ពូ​ល J​។ ​​មុន​ការប្រកួត​អតីត​គ្រូបង្វឹក​អាល្លឺម៉ង់​លោក Joachim Low ក៏​ធ្វើ​ពិធី​លា​អ្នកគាំទ្រ​ផ្លូវការ​ផងដែរ​។​

​​អាល្លឺម៉ង់​ជា​ក្រុម​ដែល​ធានាបាន​កៅអី​នៅ​កាតា​ទៅហើយ​ក្រោយ​លេង​បាន ៨ប្រកួត​កន្លងមក ​ខណៈ​ ៣ពិន្ទុ​នេះ​ទៀត​ធ្វើឱ្យ​ពួកគេ​មាន ២៤ពិន្ទុ​ដាច់​ក្រុម​លេខ ២ ម៉ា​សេ​ដ្វា​ន់​ខាងជើង​ដល់​ទៅ ៩ពិន្ទុ​។ ​​លិ​ក​តិ​ន​ស្តា​ញ​បាន​បាត់បង់​កីឡាករ​ម្នាក់​តាំងពី​នាទី​ទី៩ ក្រោយ​អាជ្ញាកណ្តាល​បណ្តេញ Jens Hofer ក្រោយ​ធាក់​ខ្សែបម្រើ Leon Goretzka​។​ ​​ក្រោយមក​គ្រាប់​បាល់​ហូរ​ដូច​ទឹក​ដោយ​រួមមាន ៣គ្រាប់​នៅក្នុង​វគ្គ​ទី១ ដោយ Ilkay Gundogan និង Leroy Sane ខណៈ​មួយ​គ្រាប់​ទៀត​បាល់​ចូល​ទី​ខ្លួនឯង​របស់​លិច​តិ​ន​ស្តា​ញ​។ ​​វគ្គ​ទី២ ក្រុម​ជើងឯក​ពិភពលោក ២០១៤ ដែលមាន​កីឡាករ​ពាក់ព័ន្ធ​នឹង Covid-19 ច្រើន​មួយ​នេះ​បន្ត​រកបាន ៦គ្រាប់​ទៀត​ដែល​រកបាន​ដោយ Leroy Sane មួយ​គ្រាប់​ទៀត ស្របពេល Thomas Muller រកបាន​ ២​គ្រាប់​ម្នាក់ឯង​៕

​អត្ថបទ​៖​នាង សុភា​វុ​ធ