ចិន៖ គណបក្សកុម្មុយនិស្តចិនបានអនុម័ត "សេចក្ដីសម្រេចប្រវត្តិសាស្ត្រ" ដែលពង្រឹងឋានៈរបស់លោក Xi Jinping នៅក្នុងប្រវត្តិសាស្ត្រនយោបាយ។ ឯកសារនេះជាសេចក្តីសង្ខេបនៃប្រវត្តិសាស្ត្រមានរយៈពេល ១០០ឆ្នាំរបស់គណបក្សនេះនិយាយអំពីសមិទ្ធផលសំខាន់ៗរបស់ខ្លួន និងទិសដៅអនាគត។
មានត្រឹមតែលើកទី៣ នៃសេចក្ដីសម្រេចដូចនេះ ចាប់តាំងពីការបង្កើតគណបក្សមកលើកដំបូងត្រូវបានអនុម័តដោយលោក ម៉ៅ សេទុង ក្នុងឆ្នាំ១៩៤៥ និងលើកទី២ ត្រូវបានអនុម័តដោយលោក តេង ស៊ាវពីង នៅឆ្នាំ១៩៨១។ សេចក្ដីសម្រេចប្រវត្តិសាស្ត្រនេះត្រូវបានអនុម័តកាលពីថ្ងៃព្រហស្បតិ៍នៅឯកិច្ចប្រជុំពេញអង្គលើកទី៦ ដែលជាកិច្ចប្រជុំនយោបាយមួយក្នុងចំណោមកិច្ចប្រជុំនយោបាយដ៏សំខាន់បំផុតជាច្រើនរបស់ប្រទេសចិន។ ក្នុងនាមជាមេដឹកនាំចិនទី៣ ដែលបានចេញសេចក្តីសម្រេចបែបនេះ ការផ្លាស់ប្ដូរនេះមានគោលបំណងលើកលោក Xi ឱ្យមានភាពស្មើភាពជាមួយស្ថាបនិកគណបក្សលោក Mao និងអ្នកស្នងតំណែងបន្ទាប់របស់លោកគឺលោក Deng។
អ្នកសង្កេតការណ៍មួយចំនួនមើលឃើញថា សេចក្ដីសម្រេចនេះជាការប៉ុនប៉ងចុងក្រោយរបស់លោក Xi ក្នុងការបង្វែរវិមជ្ឈការជាច្រើនទសវត្សរ៍ដោយមេដឹកនាំចិន ដែលបានចាប់ផ្តើមនៅក្រោមការដឹកនាំរបស់លោក Deng និងបន្តតាមរយៈមេដឹកនាំផ្សេងទៀតដូចជា លោក Jiang Zemin ដែលជាសញ្ញាបង្ហាញថា ប្រទេសចិនអាចនឹងវិលត្រលប់ទៅរកវប្បធម៌ដែលគេហៅថា បុគ្គលភាពនោះវិញ។ នេះគឺជាកិច្ចប្រជុំដ៏សំខាន់ចុងក្រោយរបស់មេដឹកនាំគណបក្សនៅមុនសមាជជាតិនៅឆ្នាំក្រោយ ដែលគេរំពឹងថាលោក Xi ស្វែងរកអាណត្តិទី៣ ជាប្រវត្តិសាស្ត្រក្នុងនាមជាប្រធានាធិបតី៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
