ការិយាល័យសារព័ត៌មានអ្នកទោសហាម៉ាស់ រាយការណ៍ថា អ្នកទោសប៉ាឡេស្ទីន ១៥នាក់ ដែលស្ថិតក្នុងចំណោមអ្នកទោសរាប់សិបនាក់ ត្រូវបានដោះលែងដោយអ៊ីស្រាអែលក្រោមកិច្ចព្រមព្រៀងបទឈប់បាញ់កាលពីថ្ងៃទី ១៩ ខែមករា ជាមួយក្រុមហាម៉ាស់ បានធ្វើដំណើរទៅដល់ប្រទេសទួរគីនៅថ្ងៃអង្គារនេះ បន្ទាប់ពីការនិរទេសទៅកាន់ប្រទេសអេហ្ស៊ីប ។

ពួកគេគឺជាមនុស្សដំបូងដែលត្រូវបានទទួលយកដោយប្រទេសទី ៣ ក្រៅពីអេហ្ស៊ីប ក្រោមលក្ខខណ្ឌបទឈប់បាញ់ ដែលរារាំងអ្នកទោសត្រូវបានកាត់ទោសដោយអ៊ីស្រាអែលសម្រាប់ការវាយប្រហារហិង្សាពីការវិលត្រឡប់ទៅកាន់ដែនដីប៉ាឡេស្ទីនវិញ ។

ជនប៉ាឡេស្ទីនចាត់ទុកអ្នកជាប់ពន្ធនាគារសម្រាប់ការវាយប្រហារអ៊ីស្រាអែលថាជាវិរបុរសតស៊ូ ។

 ប្រភពសន្តិសុខទួរគី បានឲ្យដឹងថា អ្នកទោសប៉ាឡេស្ទីន ១៥នាក់ គ្រោងនឹងធ្វើដំណើរមកដល់កាត់តាមប្រទេសអេហ្ស៊ីប ប៉ុន្តែពួកគេពុំបានផ្តល់សេចក្តីលម្អិតនោះទេ ។

 សូមបញ្ជាក់ថា ដំណាក់កាលដំបូងនៃបទឈប់បាញ់ តម្រូវឲ្យក្រុមហាម៉ាស់ដោះលែងចំណាប់ថ្នូរ ១៨នាក់ ហើយអ៊ីស្រាអែលព្រមដោះលែងអ្នកទោសប៉ាឡេស្ទីន ៥៨៣នាក់ ក្នុងនោះអ្នកទោសយ៉ាងហោច ៧៩នាក់ នឹងត្រូវបញ្ជូនទៅកាន់ប្រទេសអេហ្ស៊ីប ៕