ក្នុងជំនួបជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu នៅសេតវិមាន កាលពីថ្ងៃអង្គារ ៤ ខែកុម្ភៈ សប្ដាហ៍នេះ ប្រធានាធិបតីអាមេរិក លោក Donald Trump បានអះអាងជាថ្មីអំពីជំហររបស់លោកប្រឆាំងនឹងអ៊ីរ៉ង់ មិនឲ្យទទួលបានអាវុធនុយក្លេអ៊ែរ ហើយលោកក៏ចង់មានកិច្ចព្រមព្រៀងមួយជាមួយអ៊ីរ៉ង់ដែរ។

លោក Trump បាននិយាយថា ពួកគេមិនទន់ខ្សោយទេ នៅពេលនេះពួកគេមានសមត្ថភាពខ្លាំង ដោយរុញច្រានប្រឆាំងនឹងការយល់ឃើញណាមួយដែលថាអ៊ីរ៉ង់ស្ថិតក្នុងស្ថានភាពទន់ខ្សោយ។ លោកបានសង្កត់ធ្ងន់ថាក្នុងអំឡុងពេលរដ្ឋបាលដំបូងរបស់លោក អ៊ីរ៉ង់បានប្រឈមមុខសម្ពាធផ្នែកហិរញ្ញវត្ថុយ៉ាងខ្លាំង ដោយនិយាយថា ពួកគេទុនខ្សោយហើយ។ ពួកគេពុំមានលុយសម្រាប់ក្រុមហាម៉ាសទេ។ ពួកគេមិនមានលុយសម្រាប់ក្រុមហេសបូឡាឡើយ។

លោកបាននិយាយថា ទោះជាប្រទេសអ៊ីរ៉ង់បច្ចុប្បន្នមានកម្លាំងក៏ដោយ ក៏លោក Trump នៅតែអះអាងថា ការរារាំងប្រទេសនេះមិនឲ្យមានឱកាសទទួលបានអាវុធនុយក្លេអ៊ែរនៅតែជាអាទិភាព។យើងមិនចង់ឱ្យពួកគេមានអាវុធនុយក្លេអ៊ែរទេ។

ជាមួយគ្នានោះដែរលោក Donald Trump បានរៀបចំឡើងវិញនូវយុទ្ធនាការដាក់សម្ពាធជាអតិបរមាលើអ៊ីរ៉ង់ដែលរួមមានកិច្ចខិតខំប្រឹងប្រែងដើម្បីបញ្ឈប់ការនាំចេញប្រេងរបស់អ៊ីរ៉ង់ឲ្យដល់ចំណុចសូន្រដើម្បីបញ្ឈប់ទីក្រុងតេអេរ៉ង់ កុំឲ្យមានអាវុធនុយក្លេអ៊ែរ៕