ផ្សារភាគហ៊ុនរបស់សហរដ្ឋអាមេរិក និងប្រាក់ដុល្លារបានធ្លាក់ចុះកាលពីថ្ងៃអង្គារទី៤សប្ដាហ៍នេះ ខណៈភាគហ៊ុនហុងកុងបានធ្លាក់ចុះពីកម្រិតខ្ពស់ក្នុងរយៈពេលពីរខែ ស្របពេលសហរដ្ឋអាមេរិក និងចិន បានបន្តដំឡើងពន្ធសងសឹកគ្នាលើទំនិញរៀងៗខ្លួន និងបង្កើនក្ដីរំពឹងនៃជម្លោះពាណិជ្ជកម្មកាន់តែធ្ងន់ធ្ងរ ។

ភាគហ៊ុនរបស់ S&P 500 របស់អាមេរិក ដែលមានភាពធូរស្រាល ពេលប្រទេសម៉ិកស៊ិក និងកាណាដា បានកាត់បន្ថយកិច្ចព្រមព្រៀងនៅនាទីចុងក្រោយ បន្ទាប់ពីការដំឡើងពន្ធរបស់សហរដ្ឋអាមេរិក បានធ្លាក់ចុះដល់ ០,២% ខណៈសន្ទស្សន៍ប្រាក់ដុល្លារបានធ្លាក់ចុះក្នុងការជួញដូរ០,១%ទាបជាង១០៨,៨៦។

ភាគហ៊ុនអឺរ៉ុប (.STOXX)បានធ្លាក់ចុះ ០,១% ក្នុងពេលបើកទំព័រតារាងថ្មីក្នុងការជួញដូរពេលព្រឹក បន្ទាប់ពីធ្លាក់ចុះ ០,៨៧% កាលពីថ្ងៃចន្ទសប្ដាហ៍នេះ។ សន្ទស្សន៍ភាគហ៊ុន DAX របស់អាល្លឺម៉ង់ (.GDAXI) បានធ្លាក់ចុះ ហើយ ភាគហ៊ុន FTSE 100 របស់ចក្រភពអង់គ្លេស ធ្លាក់ចុះ០,៣ %។

ក្រុមហ៊ុន Hang Seng របស់ហុងកុង (.HIS) បើកទំព័រតារាងថ្មីនៃមាត្រដ្ឋានកម្រិតខ្ពស់នៅឆ្នាំ២០២៥ ដោយសង្ឃឹមថាប្រទេសចិនក៏នឹងចរចារកផ្លូវចេញពីការដំឡើងពន្ធជាមួយប្រធានាធិបតីអាមេរិក Donald Trumpដែរ ប៉ុន្តែក្រោយមកបានកាត់បន្ថយការកើនឡើងរបស់ខ្លួនបន្តិចក្នុងការជួញដូរប្រហែល ២,៨% ដោយមានការរំពឹងទុកថា ទីក្រុងប៉េកាំងនឹងបង្កើនការចំណាយជំរុញសេដ្ឋកិច្ច ដើម្បីទប់ទល់នឹងទង្វើរបស់សហរដ្ឋអាមេរិក។

ពន្ធបន្ថែម ១០% របស់សហរដ្ឋអាមេរិក លើការនាំចេញរបស់ចិនបានចូលជាធរមាននៅម៉ោង ០៥០១ ម៉ោងសកលកាលពីថ្ងៃអង្គារទី៤កុម្ភៈសប្ដាហ៍នេះ ហើយប៉ុន្មាននាទីក្រោយមកទីក្រុងប៉េកាំងបានប្រកាសថាខ្លួនកំពុងស៊ើបអង្កេតក្រុមហ៊ុន Google និងក្រុមហ៊ុនអាមេរិកផ្សេងទៀត ព្រមទាំងការដំឡើងពន្ធលើការនាំចូលប្រេង ធ្យូងថ្ម ឧស្ម័ន រថយន្ត និងឧបករណ៍កសិកម្មរបស់សហរដ្ឋអាមេរិកចាប់ពីថ្ងៃទី ១០ ខែកុម្ភៈ៕