ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃអង្គារ ទី៤ ខែកុម្ភៈ ថា ក្រុមការងាររបស់លោកបានសន្ទនាជាមួយទីប្រឹក្សាសន្តិសុខជាតិរបស់ប្រធានាធិបតីសហរដ្ឋអាមេរិក លោក Donald Trump និងបេសកជនជាន់ខ្ពស់របស់លោកអំពីសង្គ្រាមនៅអ៊ុយក្រែន ក្នុងសប្តាហ៍នេះ ហើយពួកគេកំពុងធ្វើការដើម្បីរៀបចំដំណើរទស្សនកិច្ច ធ្វើឡើងដោយគណៈប្រតិភូ របស់សហរដ្ឋអាមេរិក។

ទីក្រុងគីវ បាននិងកំពុងព្យាយាមបង្កើតទំនាក់ទំនងជិតស្និទ្ធជាមួយរដ្ឋបាលរបស់ប្រធានាធិបតីសហរដ្ឋអាមេរិក លោក Donald Trump ដែលបាននិយាយថា លោកចង់បញ្ចប់សង្រ្គាមដ៏រ៉ាំរ៉ៃពេញបន្ទុក រយៈពេលជិតបីឆ្នាំ ជាមួយរុស្ស៊ី។

លោកបាននិយាយថា នាយសេនាធិការរបស់លោក គឺ លោក Andriy Yermak បានសន្ទនាជាមួយទីប្រឹក្សាសន្តិសុខជាតិរបស់ លោក Trump គឺលោក Michael Waltz ហើយក្រុមការងាររបស់លោក ក៏បានសន្ទនាជាមួយ លោក Keith Kellogg បេសកជនពិសេសរបស់លោក Trump សម្រាប់បញ្ហាអ៊ុយក្រែននិងរុស្ស៊ីផងដែរ។

ក្នុងការសន្ទនាតាមទូរស័ព្ទជាមួយ លោក Waltz លោក Yermak បាននិយាយថា លោកបាននិយាយអំពីស្ថានភាពនៅសមរភូមិ និងភាពរីកចម្រើនក្នុងការកែណ្ឌកម្លាំងដើម្បីបំពេញបន្ថែមកងកម្លាំងរបស់អ៊ុយក្រែន។

ក្នុងការសន្ទនា បាននិយាយថា ពួកគេក៏បានពិភាក្សាអំពីតម្រូវការដើម្បីរៀបចំទំនាក់ទំនងផ្ទាល់ខ្លួនរវាង លោក Zelenskiy និងលោក Trump។ លោក Trump បានផ្តល់តម្រុយមួយចំនួនអំពីរបៀបដែលលោកនឹងស្វែងរកដំណោះស្រាយសង្រ្គាមនៅអ៊ុយក្រែន។