នៅថ្ងៃពុធនេះ ពលរដ្ឋយេម៉ែនរស់នៅក្នុងទីក្រុង Trump បានថ្កោលទោសសេចក្តីអត្ថាធិប្បាយរបស់ប្រធានាធិបតីសហរដ្ឋអាមេរិកលោក Donald Trump ដែលលើកឡើងថា សហរដ្ឋអាមេរិក អាចគ្រប់គ្រងតំបន់ហ្កាហ្សា ហើយជនប៉ាឡេស្ទីនអាចជម្លៀសទៅរស់នៅកន្លែងផ្សេង ។

លោក Muhammad al-Zawqari គឺជាពលរដ្ឋមួយរូប បានរៀបរាប់ថា សេចក្តីអត្ថាធិប្បាយរបស់លោក Trumpគឺឡប់សតិតែខ្លួនឯង ។

ចំណែកឯលោក Shawqi al-Kareem គឺជាពលរដ្ឋម្នាក់ផ្សេងទៀតរស់នៅក្នុងទីក្រុង Sanaaនិយាយថា អ្វីដែលប្រធានាធិបតីសហរដ្ឋអាមេរិកនិយាយ ពុំធ្វើឲ្យពួកយើងព្រួយបារម្ភនោះទេ កុំថាឡើយប៉ះពាល់ពួកយើង ឬធ្វើឲ្យពួកយើងខ្លបខ្លាច ។ ព្រះនៅជាមួយពួកយើង ហើយទ្រង់នៅពីលើអ្វីៗគ្រប់បែបយ៉ាងទាំងអស់ ។ ពួកយើងនៅជាមួយតំបន់ហ្កាហ្សា ទាំងយប់ទាំងថ្ងៃ ។

លោក Trumpបាននិយាយកាលពីថ្ងៃអង្គារថា សហរដ្ឋអាមេរិកអាចគ្រប់គ្រងបន្តតំបន់ហ្កាហ្សាដែលហែកហួរដោយសារសង្រ្គាម ហើយនិងបង្កើតតំបន់ “ឆ្នេរមជ្ឈិមបូព៌ា” ក្រោយដាក់ជនប៉ាឡេស្ទីនឲ្យរស់នៅកន្លែងផ្សេង ជាហេតុធ្វើឲ្យបែកខ្ញែកគោលជំហររយៈពេលរាប់ទសវត្សរ៍របស់សហរដ្ឋអាមេរិកលើជម្លោះអ៊ីស្រាអែល-ប៉ាឡេស្ទីន និងធ្វើមានការថ្កោលទោសក្នុងតំបន់ ៕