ក្រុមមន្រ្តីសហរដ្ឋអាមេរិក និយាយថា យន្តហោះយោធាដំបូងរបស់សហរដ្ឋអាមេរិកដឹកជនអន្តោប្រវេសន៍ឃាត់ខ្លួន ទៅកាន់ឆកសមុទ្រ Guantanamo បានចុះចតនៅប្រទេសគុយបាកាលពីថ្ងៃអង្គារ ស្របពេលដែលរដ្ឋបាលរបស់លោកប្រធានាធិបតី Donald Trump ត្រៀមផ្តល់កន្លែងស្នាក់នៅដល់ជនអន្តោប្រវេសន៍រាប់ម៉ឺននាក់ នៅមូលដ្ឋានកងទ័ពជើងទឹកស្ថិតក្នុងប្រទេសគុយបាមួយនេះ ។

រូបថតសន្លឹកថតបាននៅច្រកឡើងយន្តហោះយោធា ឃើញជនអន្តោប្រវេសន៍ជាប់ខ្នោះ ពេលដែលពួកត្រូវបានរៀបចំដោយទាហានអាមេរិក ឲ្យឡើងលើយន្តហោះ ។

លោក Trump និយាយថា លោកចង់ឲ្យមន្ទីរបច្ចកោណ និងក្រសួងសន្តិសុខមាតុភូមិសហរដ្ឋអាមេរិក ពង្រីកទីតាំងឃុំខ្លួនជនអន្តោប្រវេសន៍ នៅមូលដ្ឋានយោធាមួយនេះ ដើម្បីទទួលជនអន្តោប្រវេសន៍ជាង ៣ម៉ឺននាក់ ។

លោក Tricia McLaughlin គឺជាអ្នកនាំពាក្យក្រសួងសន្តិសុខមាតុភូមិសហរដ្ឋអាមេរិក និយាយថា ជើងហោះយោធាទៅកាន់ឆកសមុទ្រ បានដឹកជនអន្តោប្រវេសន៍ចន្លោះ ៩-១០នាក់ ។

ទីភ្នាក់ងារព័ត៌មានរ៉យទ័រ រាយការណ៍ថា ជើងហោះហើរយោធានិរទេសជនអន្តោប្រវេសន៍ទៅកាន់ឆកសមុទ្រ Guatemala កាលពីសប្តាហ៍មុន ទំនងជាត្រូវចំណាយប្រាក់ ៤.៦៧៥ដុល្លារ សម្រាប់ជនអន្តោប្រវេសន៍ម្នាក់ៗ ។

កាលពីថ្ងៃអាទិត្យសប្តាហ៍មុន រដ្ឋមន្រ្តីក្រសួងសន្តិសុខមាតុភូមិសហរដ្ឋអាមេរិ បដិសេធន៍ពុំនិយាយថា តើជនអន្តោប្រវេសន៍ជាស្រ្តី កុមារ ឬជាគ្រួសារ នឹងត្រូវដាក់នៅមន្ទីរឃុំខ្លួនឆកសមុទ្រ Guantanamo ឬយ៉ាងណានោះទេ ៕