នៅថ្ងៃពុធនេះ ប្រធានាធិបតីចិនលោក Xi Jinping បានស្វាគមន៍ប្រធានាធិបតីប៉ាគីស្ថានលោក Asif Ali Zardari នៅទីក្រុងប៉េកាំង សម្រាប់ដំណើរទស្សនកិច្ចរយៈពេល ៥ថ្ងៃរបស់លោកមកកាន់ប្រទសចិន ស្របពេលដែលប្រទេសទាំង ២ ព្យាយាមពង្រឹងទំនាក់ទំនងការទូត ។

អំឡុងជំនួបទ្វេភាគីរបស់ពួកគេ លោក Xi សន្យាធ្វើឲ្យល្អប្រសើរឡើងភាពជាដៃគូកិច្ចសហប្រតិបត្តិការយុទ្ធសាស្រ្តរវាងចិន និងប៉ាគីស្ថាន ហើយនិងអភិវឌ្ឍទំនាក់ទំនងទ្វេភាគីបន្ថែមទៀត ។

លោកនិយាយថា ចិន និងប៉ាគីស្ថាន គឺជាមិត្តប៉ានដែក និងជាដៃគូសហប្រតិបត្តិការយុទ្ធសាស្រ្តគ្រប់ស្ថានការ ។ មិត្តភាពដ៏យូរអង្វែងរវាងចិន និងប៉ាគីស្ថាន ត្រូវបានបង្កើតឡើងដោយក្រុមមេដឹកនាំជំនាន់ចាស់របស់ប្រទេសទាំង ២ និងជាអចលនទ្រព្យដ៏មានតម្លៃមួយ សម្រាប់ប្រទេសជាតិទាំង ២ និងប្រជាជនរបស់ពួកគេ ។

ដោយឡែក លោក Zardari និយាយថា ចិនគឺជាសម្ព័ន្ធមិត្តដ៏សំខាន់បំផុតរបស់ប៉ាគីស្ថាន ។

កិច្ចព្រមព្រៀងទ្វេភាគី ត្រូវបានចុះហត្ថលេខាផងដែរលើបញ្ហាសន្តិសុខសកល ពាណិជ្ជកម្ម និងការស្រាវជ្រាវរួមគ្នា ៕