ការតវ៉ា បានផ្ទុះឡើងនៅទូទាំងសហរដ្ឋអាមេរិក កាលពីថ្ងៃពុធ ទី៥ ខែកុម្ភៈ ខណៈក្រុមបាតុករបានមកប្រមូលផ្តុំគ្នាប្រឆាំងប្រធានាធិបតី លោក Donald Trump និងគម្រោងឆ្នាំ២០២៥ ដោយបានបង្ហាញការប្រឆាំងចំពោះសកម្មភាពប្រតិបត្តិ នាពេលថ្មីៗនេះរបស់លោក។

គម្រោងឆ្នាំ២០២៥ ស្នើឱ្យអនុវត្តច្បាប់ដែលធ្វើឱ្យវាខុសច្បាប់ក្នុងការបញ្ជូនតាមប្រៃសណីយ៍នូវឱសថរម្លូតកូនតាមបណ្តាញរដ្ឋ និងដាក់ទោសព្រហ្មទណ្ឌលើការផ្សព្វផ្សាយរូបភាពអាសអាភាស។

គម្រោងនេះ ក៏ជំរុញឱ្យមានការលុបចោលនូវនិយ័តកម្មបរិស្ថាន និងការបង្រ្កាបលើកម្មវិធីនានាក្នុងការជំរុញការប្រើប្រាស់មនុស្សចម្រុះគ្មានជំនាញនៅកន្លែងធ្វើការ ដែលគម្រោងនេះអះអាងថាជាអំពើខុសច្បាប់យ៉ាងទូលំទូលាយ។

គម្រោង ក៏អំពាវនាវឱ្យមានការពង្រីកយ៉ាងទូលំទូលាយនៅក្នុងអំណាចប្រធានាធិបតី ដោយបង្កើនចំនួនអ្នកតែងតាំងផ្នែកនយោបាយ និងបង្កើនអំណាចរបស់ប្រធានាធិបតីលើក្រសួងយុត្តិធម៌។

ក្រុមអ្នកតវ៉ាក៏បានកំណត់គោលដៅលើមហាសេដ្ឋី និងនាយកប្រតិបត្តិក្រុមហ៊ុនTesla លោក Elon Musk ដោយបាតុករម្នាក់កាន់ស្លាកសរសេរថា «សូមបញ្ជូន លោក Elon ទៅកាន់ភពព្រះអង្គារ» ។

ប្រធានាធិបតី លោក Trump បានតែងតាំងទីប្រឹក្សាមហាសេដ្ឋីក្នុងរដ្ឋបាលរបស់លោក គឺលោក Elon Musk ដើម្បីដឹកនាំឲ្យមានការផ្លាស់ប្តូរនេះ ដែលបានបង្កឱ្យមានការតវ៉ា និងការចោទប្រកាន់ដោយក្រុមអ្នកប្រជាធិបតេយ្យប្រឆាំង ថាអ្នកមានបំផុតនៅលើពិភពលោកកំពុងកាន់កាប់រដ្ឋាភិបាល។