នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃពុធ (០៥ កុម្ភៈ) ថា មិនមានអ្វីខុសឆ្គងទេនៅក្នុងគំនិតរបស់លោក Donald Trump ក្នុងការផ្លាស់ទីលំនៅប្រជាជនប៉ាឡេស្ទីនចេញពីតំបន់ហ្កាហ្សា ដោយលើកសរសើរផែនការនេះ បន្ទាប់ពីសំណើរបស់លោកប្រធានាធិបតីសហរដ្ឋអាមេរិក បានទាក់ទាញការរិះគន់ពីអន្តរជាតិ។

ក្រុមសិទ្ធិមនុស្សបានថ្កោលទោសការលើកឡើងនោះថាជាការបោសសម្អាតជនជាតិភាគតិច ជុំវិញយោបល់របស់លោក Trump ដែលថា ប្រជាជនប៉ាឡេស្ទីននៅក្នុងតំបន់ហ៊ុមព័ទ្ធគួរតែត្រូវបានផ្លាស់ទីលំនៅជាអចិន្ត្រៃយ៍ ខណៈដែលក៏ស្នើឡើងថា សហរដ្ឋអាមេរិក អាចកាន់កាប់ដែនដីហ្កាហ្សា។

នៅក្នុងបទសម្ភាសន៍ជាមួយទូរទស្សន៍ Fox News លោក Netanyahu មិនបាននិយាយផ្តោតច្បាស់ៗលើគំនិតរបស់លោក Trump អំពីការកាន់កាប់ដែនដីហ្កាហ្សា របស់សហរដ្ឋអាមេរិកទេ ប៉ុន្តែបានគាំទ្រគំនិតដែល "អនុញ្ញាតចំពោះអ្នកស្រុកហ្កាហ្សាដែលចង់ចាកចេញពីទឹកដីនោះ"។

ចាប់តាំងពីថ្ងៃទី២៥ ខែមករាមក លោក Trump បានស្នើម្តងហើយម្តងទៀតថា បណ្ដាប្រទេសអារ៉ាប់ក្នុងតំបន់ ដូចជាអេហ្ស៊ីប និងហ្ស៊កដានី គួរតែប្រជាជនប៉ាឡេស្ទីននៅក្នុងតំបន់ហ្កាហ្សា ដែលជាគំនិតមួយត្រូវបានច្រានចោលយ៉ាងដាច់អហង្ការដោយរដ្ឋអារ៉ាប់ និងមេដឹកនាំប៉ាឡេស្ទីន៕