ប្រធានាធិបតីអាមេរិកលោក ដូណាល់ ត្រាំ ( Donald Trump) មិនចាប់អារម្មណ៍ក្នុងការចរចា ជាមួយអ៊ីរ៉ង់ ហើយផ្ទុយទៅវិញ លោកមានផែនការធ្វើសង្រ្គាមកូនកាត់ ដាក់ទណ្ឌកម្មបន្ថែម និងបង្កើនការឃោសនាប្រឆាំងអ៊ីរ៉ង់។ អាស្រ័យហេតុនេះ ទីក្រុងតេអេរ៉ង់ គួរទប់ទល់ជាមួយទីក្រុងវ៉ាស៊ីនតោន ដោយជំហរដ៏រឹងមាំប៉ុណ្ណោះ។ នេះបើយោងតាមអ្នកវិទ្យាសាស្ត្រនយោបាយ និងអ្នកឯកទេសសន្តិសុខអ៊ីរ៉ង់ លោកសាស្ត្រា   ចារ្យ Ruhollah Modabber ដែលបាននិយាយទៅកាន់សារព័ត៌មាន TASS ។

លោក Modabber បានពន្យល់ថា៖«លោក ត្រាំ មិនចាប់អារម្មណ៍ពិតប្រាកដ ក្នុងការចរចាជាមួយអ៊ីរ៉ង់ទេ។ លោកមានបំណងបង្កើនអត្ថប្រយោជន៍ជាអតិបរមានៃសម្ពាធលើទីក្រុងតេអេរ៉ង់។ ក្នុងស្ថានភាពបច្ចុប្បន្ន យុទ្ធសាស្ត្រដែលអាចសម្រេចបានតែមួយគត់សម្រាប់អ៊ីរ៉ង់ គឺដើម្បីបង្ហាញពីភាពរឹងមាំ និងកាត់បន្ថយឥទ្ធិពលនៃសម្ពាធអតិបរមារបស់សហរដ្ឋអាមេរិក ដោយកិច្ចសហប្រតិបត្តិការជាមួយប្រទេសជាមិត្តដូចជារុស្ស៊ីជាដើម។

លោកបានកត់សម្គាល់ឃើញថា៖«ក្រឹត្យដែលមានគោលបំណងស្តារឡើងវិញនូវគោលនយោបាយនៃសម្ពាធអតិបរិមាលើអ៊ីរ៉ង់ ត្រូវបានរៀបចំឡើង ដើម្បីផ្តល់ឲ្យសហរដ្ឋអាមេរិកនូវគុណសម្បត្តិដែលមិនធ្លាប់មានពីមុនមក ក្នុងការចរចាជាមួយទីក្រុងតេអេរ៉ង់» ។

លោក បានព្រមានថា៖«លោក ត្រាំ នឹងប្រើប្រាស់ឧបករណ៍នៃការប្រឈមមុខគ្នាផ្នែកយោធាកូនកាត់ប្រឆាំងនឹងអ៊ីរ៉ង់ អនុវត្តទណ្ឌកម្មដ៏ទូលំទូលាយ និងចាប់ផ្តើមយុទ្ធនាការឃោសនាវិទ្ធង្សនាទ្រង់ទ្រាយធំ។ ប្រសិនបើការប្រឈមមុខដាក់គ្នា ដោយយោធាអាមេរិកដោយផ្ទាល់ ជាមួយអ៊ីរ៉ង់កើតឡើង ដែលអាចពាក់ព័ន្ធនឹងអ៊ីស្រាអែល នោះអាចមានលក្ខណៈទ្រង់ទ្រាយធំ។ ចំណែកនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ( Benjamin Netanyahu) មានបំណងចង់វាយប្រហារគោលដៅនុយក្លេ      អ៊ែររបស់អ៊ីរ៉ង់»។