រដ្ឋមន្ត្រីការបរទេស Gideon Sa'ar បាននិយាយថា អ៊ីស្រាអែល គាំទ្រការសម្រេចចិត្តរបស់សហរដ្ឋអាមេ   រិក ក្នុងការដកខ្លួនចេញពីក្រុមប្រឹក្សាសិទ្ធិមនុស្សអង្គការសហប្រជាជាតិ (UNHRC) ហើយថែមទាំងបញ្ចប់ការចូលរួមរបស់ខ្លួន នៅក្នុងស្ថាប័នUNនេះ ផងដែរ។

ប្រមុខការទូតរូបនេះ បានសរសេរនៅលើទំព័រ X របស់ខ្លួនថា៖«អ៊ីស្រាអែលស្វាគមន៍ចំពោះការសម្រេចចិត្តរបស់ [ប្រធានាធិបតីអាមេរិក លោក ដូណាល់ ត្រាំ (Donald] Trump) មិនចូលរួមក្នុងក្រុមប្រឹក្សាសិទ្ធិមនុស្សរបស់អង្គការសហប្រជាជាតិ។ អ៊ីស្រាអែល ចូលរួមជាមួយសហរដ្ឋអាមេរិក ហើយនឹងមិនចូលរួមក្នុង UNHRC ទេ»។

យោងតាមលោក Sa'ar បានឲ្យដឹងថា ក្រុមប្រឹក្សាសិទ្ធិមនុស្សអង្គការសហប្រជាជាតិ «ផ្តោតលើការវាយលុកប្រទេសប្រជាធិបតេយ្យ និងផ្សព្វផ្សាយលទ្ធិប្រឆាំងនិយម ជំនួសឲ្យការលើកកម្ពស់សិទ្ធិមនុស្ស»។ លោករដ្ឋមន្ត្រី បាននិយាយថា៖«អ៊ីស្រាអែលបានទទួលរងនូវសេចក្តីសម្រេចថ្កោលទោសជាង ១០០ ដោយ ជាង ២០%នៃសេចក្តីសម្រេចទាំងអស់ ដែលធ្លាប់បានអនុម័ត នៅក្នុងក្រុមប្រឹក្សា គឺច្រើនជាងប្រឆាំងនឹងអ៊ីរ៉ង់ គុយបា កូរ៉េខាងជើង និងវ៉េណហ្ស៊ុយអេឡា រួមបញ្ចូលគ្នា» ដោយបន្ថែមថា «អ៊ីស្រាអែលនឹងមិនទទួលយកការរើសអើងបែបនេះទៀតទេ!»។

ប្រធានាធិបតីអាមេរិកលោក ដូណាល់ ត្រាំ (Donald Trump) បានចុះហត្ថលេខាលើក្រឹត្យមួយ កាលពីថ្ងៃទី ៤ ខែកុម្ភៈ ដោយដកសហរដ្ឋអាមេរិកចេញពីក្រុមប្រឹក្សាសិទ្ធិមនុស្សUN និងទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា (UNRWA)។