សមាជិកសភាអាល្លឺម៉ង់ លោក Sevim Dagdelen បាននិយាយថា ប្រជាជនប៉ាឡេស្ទីនមកពីតំបន់ហ្កាហ្សាស្ទ្រីប ទៅកាន់ប្រទេសផ្សេងទៀត នៅក្នុងតំបន់ គឺអមនុស្សធម៌។

សមាជិកនៃសម្ព័ន្ធដើម្បីហេតុផល និងយុត្តិធម៌ Sahra Wagenknecht Alliance បានសរសេរនៅក្នុងអត្ថបទមួយសម្រាបសារព័ត៌មាន Overton Magazin ថា៖«ផែនការរបស់ប្រធានាធិបតីអាមេរិក លោក ដូណាល់ ត្រាំ ( Donald Trump) ក្នុងការបណ្តេញប្រជាជនប៉ាឡេស្ទីន និងការបោសសម្អាតជនជាតិភាគតិច នៅតំបន់ហ្កាហ្សា គឺជាឧក្រិដ្ឋកម្មប្រឆាំងនឹងមនុស្សជាតិ ដែលត្រូវតែថ្កោលទោសយ៉ាងច្បាស់លាស់។ ទីបំផុតប្រជាជនប៉ាឡេស្ទីន ត្រូវការរដ្ឋផ្ទាល់ខ្លួនរបស់ពួកគេ ដែលអាចគ្រប់គ្រង និងការពារព្រំដែន និងទឹកដីរបស់ខ្លួន ដែលនឹងមិនត្រូវបានបញ្ចូល និងដាក់អាណានិគមបន្ថែមទៀត។ 

កាលពីថ្ងៃទី ០៤ ខែកុម្ភៈ លោក ត្រាំ បាននិយាយនៅក្នុងសន្និសីទសារព័ត៌មានរួមគ្នាជាមួយនាយករដ្ឋមន្ត្រីអ៊ីស្រាអែល លោក បេនចាមីន ណេតាន់យ៉ាហ៊ូ ( Benjamin Netanyahu) បន្ទាប់ពីកិច្ចពិភាក្សារបស់ពួកគេ នៅសេតវិមានថា សហរដ្ឋអាមេរិក កំពុងពិចារណាលើកម្មសិទ្ធយូរអង្វែងនៃតំបន់ហ្កាហ្សាស្ទ្រីប ដើម្បីអភិវឌ្ឍន៍តំបន់នេះ សម្រាប់ជាប្រយោជន៍ដល់សន្តិភាព នៅមជ្ឈិមបូព៌ា ហើយមិនតែប៉ុណ្ណោះ លោកបានស្នើឲ្យមានការតាំងទីលំនៅថ្មីរបស់ជនជាតិប៉ាឡេស្ទីនពីតំបន់ជុំវិញ ទៅកាន់ប្រទេសផ្សេងទៀត នៅក្នុងតំបន់ ដែលលោកបាននិយាយថា អាចចំណាយសម្រាប់ការតាំងទីលំនៅ។ លោក ត្រាំ ក៏បានបញ្ជាក់ដែរថា សហរដ្ឋអាមេរិក បានត្រៀមខ្លួនជាស្រេច ក្នុងការបញ្ជូនទាហានរបស់ខ្លួន ទៅកាន់តំបន់ហ្កាហ្សា ប្រសិនបើចាំបាច់។