ប្រភពពាណិជ្ជកម្មបាននិយាយកាលពីថ្ងៃព្រហស្បតិ៍ (០៦ កុម្ភៈ) សប្ដាហ៍នេះថា បណ្ដឹងពាណិជ្ជកម្មថ្មីរបស់ចិន ជាមួយសហរដ្ឋអាមេរិក អាចសាកល្បងការប្តេជ្ញាចិត្តរបស់ទីក្រុងវ៉ាស៊ីនតោន ចំពោះអង្គការពាណិជ្ជកម្មពិភពលោក WTO ដែលរហូតមកដល់ពេលនេះបានរួចផុតពីការត្រួតពិនិត្យរបស់លោកប្រធានាធិបតី Donald Trump ដែលជាអ្នករិះគន់ស្ថាប័នពហុភាគី។

ស្ថាប័នដែលមានមូលដ្ឋាននៅទីក្រុងហ្សឺណែវមួយនេះបាននិយាយកាលពីថ្ងៃពុធថា ប្រទេសចិន បានចាប់ផ្តើមវិវាទជាផ្លូវការនៅអង្គការ WTO លើពន្ធបន្ថែម ១០% ដែលដាក់ដោយលោក Trump លើទំនិញរបស់ចិន នៅក្នុងជំហានមួយដែលបង្កើនការភ័យខ្លាចនៃសង្គ្រាមពាណិជ្ជកម្មថ្មីរវាងប្រទេសសេដ្ឋកិច្ចធំជាងគេទាំងពីររបស់ពិភពលោក។

មិនដូចអង្គការពិភពលោកផ្សេងទៀតដែលលោក Trump គ្រោងនឹងដក ឬផ្តាច់ខ្លួនចេញនោះទេ ស្ថាប័នឃ្លាំមើលពាណិជ្ជកម្មពិភពលោកមួយនេះបានបញ្ចៀសការរិះគន់ដំបូងពីសេតវិមាន។ នៅក្នុងអាណត្តិដំបូងរបស់លោក Trump មន្រ្តីពាណិជ្ជកម្មជាន់ខ្ពស់របស់លោកបានរិះគន់អង្គការនេះថា “សមត្ថភាពមិនគ្រប់គ្រាន់ទាល់តែសោះ”។

ប្រតិភូពាណិជ្ជកម្ម និងអ្នកវិភាគនិយាយថា នេះអាចទៅរួចដែលបណ្ដឹងចុងក្រោយនេះលើទំនិញរបស់ចិន និងជាពិសេសការសម្រេចចិត្តរបស់ WTO នាពេលអនាគតប្រឆាំងនឹងសហរដ្ឋអាមេរិក អាចបង្កឱ្យមានប្រតិកម្មអរិភាពពីលោក Trump ចំពោះស្ថាប័ននេះ៕