ការភ័យខ្លាច បានរាលដាលនៅទូទាំងទីក្រុង Bukavu ប្រទេសកុងហ្គោ កាលពីថ្ងៃសុក្រ ទី ៧ ខែកុម្ភៈ ខណៈជម្លោះរបស់ក្រុមឧទ្ទាម M23 កាន់តែខិតជិតមកដល់ ដោយពលរដ្ឋមួយចំនួនកំពុងត្រៀមភៀសខ្លួនចេញ ហើយអ្នកផ្សេងៗទៀត បានប្តេជ្ញាថា បន្តរស់នៅក្នុងទីក្រុងភាគខាងកើតប្រទេសកុងហ្គោ។

ភាពវឹកវរ កើតឡើងនៅពេលដែលក្រុមឧទ្ទាម M23 តាមដែលចោទប្រកាន់ថាត្រូវបានគាំទ្រដោយប្រទេសរ៉្វាន់ដា បានពង្រីកការគ្រប់គ្រងរបស់ពួកគេលើសពីទីក្រុង Goma ទោះបីជាមានការធានាពីកងទ័ពកុងហ្គោថា ខេត្ត Kivu ខាងត្បូង នៅតែធានាបានសន្តិសុខ ក៏ដោយ។

អ្នកស្រុក Bukavu បាននិយាយថា សាលារៀនកំពុងបិទ ទីផ្សារក៏កំពុងបិទ ហើយអាជីវករជាច្រើន កំពុងចាប់ផ្តើមរើទំនិញរបស់ពួកគេ»។

មេដឹកនាំសង្គមស៊ីវិល លោក Faustin Katanga បាននិយាយថា ទីក្រុងនេះគឺ «ស្ទើរតែនៅស្ងាត់ស្ងៀម» ទោះបីជាពុំមានការគំរាមកំហែងដោយផ្ទាល់ក៏ដោយ។ លោក បានអំពាវនាវដល់អាជ្ញាធរឲ្យធានាឡើងវិញ ដល់ប្រជាជន។

ជាមួយគ្នានេះអ្នកស្រុកមួយចំនួន បានតាំងចិត្តថាបន្តស្នាក់នៅ ដោយមិនចាកចេញពីទីក្រុងនេះឡើយ។