សារព័ត៌មាន Washington Post (WP) បានរាយការណ៍ថា គូប្រជែងរបស់ប្រធានាធិបតីអាមេរិក លោក Donald Trump មកពីគណបក្សប្រជាធិបតេយ្យ ជឿជាក់ថា សកម្មភាពនៃរដ្ឋបាលរបស់លោក គឺបង្កឲ្យមានវិបត្តិរដ្ឋធម្មនុញ្ញទ្រង់ទ្រាយធំ។

យោងតាមកាសែតនេះ បានឲ្យដឹងថា ខណៈពេលដែលលោក ត្រាំ និងសមាជិកសភាគណបក្សប្រជាធិបតេយ្យ «ប៉ះទង្គិចគ្នាយ៉ាងជូរចត់ លើសិទ្ធិអំណាចចំណាយ ច្បាប់សញ្ជាតិ ការគ្រប់គ្រងរដ្ឋាភិបាល និងអំណាចមូលដ្ឋានផ្សេងទៀត គូប្រជែងរបស់ប្រធានាធិបតី កំពុងធ្វើការចោទប្រកាន់គួរឲ្យភ័យខ្លាចមួយ ថា ប្រទេសនេះ កំពុងរួបរឹតដោយវិបត្តិរដ្ឋធម្មនុញ្ញយ៉ាងពេញលេញ»។

សារព័ត៌មាន WP បានកត់សម្គាល់ថា សត្រូវមួយចំនួនរបស់លោក ត្រាំ ប្រៀបធៀបស្ថានភាពនៅក្នុងប្រទេសនេះ ទៅនឹង «គ្រាដ៏គ្រោះថ្នាក់បំផុតក្នុងប្រវត្តិសាស្ត្រអាមេរិក ចាប់ពីសង្គ្រាមស៊ីវិល រហូតដល់រឿងអាស្រូវនយោបាយ» ដែលឈានដល់គេចាត់ទុកលោកថា ជាជនផ្តាច់ការ។ កាសែតនេះ បានសង្កត់ធ្ងន់ថា «គណបក្សសាធារណរដ្ឋ ច្រានចោលការអះអាងបែបនេះថា ជាការបំផ្លើស និងហួសហេតុ។ លោក ត្រាំ គឺគ្រាន់តែធ្វើសកម្មភាពក្នុងអាណត្តិនេះ សម្រាប់ការផ្លាស់ប្តូរ ដែលលោកបានទទួលពីអ្នកបោះឆ្នោតទាំងអស់ ហើយពួកគេនិយាយថា គណបក្សប្រជាធិបតេយ្យ កំពុងព្យាយាមស្តារការបាត់បង់នយោបាយដ៏អាម៉ាស់ទៅជាសោកនាដកម្មមួយ សម្រាប់លទ្ធិប្រជាធិបតេយ្យអាមេរិក»។

គណបក្សប្រជាធិបតេយ្យ ក៏បានផ្តោតទៅលើលោក ត្រាំ ដែលការដាក់មហាសេដ្ឋីបច្ចេកវិទ្យា លោក Elon Musk ទទួលបន្ទុកនាយកដ្ឋានប្រសិទ្ធភាពរដ្ឋាភិបាលសហរដ្ឋអាមេរិក (DOGE) ដើម្បីដឹកនាំកិច្ចខិតខំប្រឹងប្រែងរបស់លោក ក្នុងការកាត់បន្ថយការចំណាយ។