មន្ត្រីក្រុមហាម៉ាសបាននិយាយថា កងទ័ពអ៊ីស្រាអែលបានបញ្ចប់ការដកកងទ័ពកាលពីថ្ងៃអាទិត្យ ពីផ្លូវយុទ្ធសាស្ត្រខណ្ឌចែកតំបន់ហ្កាហ្សាស្ទ្រីប ជាផ្នែកនៃកិច្ចព្រមព្រៀងបទឈប់បាញ់ដ៏ផុយស្រួយដែលអ៊ីស្រាអែលបាននិយាយថាខ្លួនកំពុងអនុវត្ត។  

ប៉ុន្តែភាពតានតឹងផ្នែកការទូតកើនឡើងខ្ពស់បន្ទាប់ពីនាយករដ្ឋមន្ត្រីអ៊ីស្រាអែលលោក Benjamin Netanyahu បានបង្ហាញខ្លួនក្នុងបទសម្ភាសន៍មួយថា រដ្ឋប៉ាឡេស្ទីនអាចត្រូវបានបង្កើតឡើងនៅលើទឹកដីអារ៉ាប៊ីសាអ៊ូឌីត ដោយទាញកំហឹងពីអារ៉ាប៊ីសាអ៊ូឌីត និងប្រទេសអារ៉ាប់ផ្សេងទៀត។

ខណៈការចរចាត្រូវបានកំណត់ដើម្បីចាប់ផ្តើមលើដំណាក់កាលបន្ទាប់នៃបទឈប់បាញ់ ហ្កាហ្សា ដែលមានបំណងត្រួសត្រាយផ្លូវសម្រាប់ការបញ្ចប់សង្រ្គាមជាអចិន្ត្រៃយ៍នោះ ប៉ាឡេស្ទីនកាលពីថ្ងៃអាទិត្យអាចឆ្លងកាត់ច្រករបៀង Netzarim ដែលជាប៉ុស្តិ៍ត្រួតពិនិត្យរបស់អ៊ីស្រាអែល ធ្លាប់ឈរជើង។

មន្ត្រីម្នាក់មកពីក្រសួងមហាផ្ទៃដែលគ្រប់គ្រងដោយក្រុមហាម៉ាសបាននិយាយថា កងកម្លាំងអ៊ីស្រាអែលបានរុះរើទីតាំងរបស់ពួកគេ និងបានដករថក្រោះរបស់ពួកគេទាំងស្រុងចេញពីច្រករបៀង Netzarim នៅលើផ្លូវ Salaheddin ដោយអនុញ្ញាតឱ្យរថយន្តឆ្លងកាត់ដោយសេរីក្នុងទិសដៅទាំងទៅទាំងមក។

សមាជិកការិយាល័យនយោបាយរបស់ក្រុមហាម៉ាស លោក Basem Naim បានប្រាប់ទីភ្នាក់ងារព័ត៌មានបារាំង AFP ថា កិច្ចព្រមព្រៀងអ៊ីស្រាអែល និងក្រុមហាម៉ាស ស្តីពីបទឈប់បាញ់នៅតំបន់ហ្កាហ្សាស្ទ្រីប គឺស្ថិតក្នុងស្ថានភាពគ្រោះថ្នាក់និងងាយដួលរលំ៕