មេបញ្ជាការកងទ័ពរបស់ប្រទេសស៊ូដង់ លោក Abdel Fattah al-Burhan បាននិយាយថា លោកនឹងបង្កើតរដ្ឋាភិបាលសម័យសង្គ្រាមអ្នកជំនាញផ្នែកបច្ចេកទេស ហើយប្រភពយោធាបានប្រាប់សារព័ត៌មាន Reuters កាលពីថ្ងៃអាទិត្យ ថា រដ្ឋាភិបាលស៊ូដង់ថ្មី ត្រូវបានគេរំពឹងថានឹងកើតឡើងក្រោយការដណ្តើមយកបានមកវិញទីក្រុង Khartoum ។

លោក Burhan បានថ្លែងសុន្ទរកថានៅក្នុងកិច្ចប្រជុំរបស់អ្នកនយោបាយសម្ព័ន្ធយោធា ក្នុងទីបញ្ជាការកងទ័ពនៅទីក្រុង Port Sudan។

កងកម្លាំងគាំទ្ររហ័ស បានគ្រប់គ្រងភាគច្រើននៅភាគខាងលិចប្រទេស ហើយកំពុងចូលរួមក្នុងយុទ្ធនាការដ៏ខ្លាំងក្លាមួយដើម្បីពង្រឹងការគ្រប់គ្រងរបស់ខ្លួននៅក្នុងទីក្រុង Darfur ដោយដណ្តើមយកបានទីក្រុង al-Fashir ។

លោក Burhan បានច្រានចោលបទឈប់បាញ់នៅថ្ងៃបុណ្យរ៉ាម៉ាដាន លុះត្រាតែកងកម្លាំងគាំទ្ររហ័ស បញ្ឈប់យុទ្ធនាការរបស់ខ្លួន។

សង្រ្គាមបានផ្ទុះឡើងក្នុងខែមេសា ឆ្នាំ២០២៣ ជុំវិញជម្លោះអំពីការរួមបញ្ចូលកងកម្លាំងទាំងពីរ បន្ទាប់ពីពួកគេបានធ្វើការរួមគ្នា និងបែងចែកអំណាចក្រោយការបះបោរដែលបានបណ្តេញមេដឹកនាំផ្តាច់ការ លោក Omar al-Bashir ។

ជម្លោះនេះ បានបង្កើតវិបត្តិមនុស្សធម៌ធំបំផុតមួយរបស់ពិភពលោក ដោយបានបណ្តាលឲ្យមនុស្សជាង ១២លាននាក់ភៀសខ្លួន ហើយពាក់កណ្តាលនៃចំនួនប្រជាជន ប្រឈមនឹងភាពអត់ឃ្លាន។