ការតវ៉ាដោយស្ងៀមស្ងាត់មួយ ត្រូវបានធ្វើឡើងកាលពីថ្ងៃអាទិត្យ ទី ៩ ខែកុម្ភៈ ដើម្បីប្រារព្ធខួបរបស់វេជ្ជបណ្ឌិតជនជាតិឥណ្ឌាវ័យក្មេង រយៈពេល១៨០ថ្ងៃបន្ទាប់ពីការចាប់រំលោភនិងសម្លាប់នាង នៅទីក្រុង Kolkata ភាគខាងកើត។

សាកសពវេជ្ជបណ្ឌិតស្ត្រី ត្រូវបានគេឃើញនៅក្នុងបន្ទប់រៀននៅមហាវិទ្យាល័យវេជ្ជសាស្ត្រ R G Kar គ្រប់គ្រងដោយរដ្ឋ និងជាមន្ទីរពេទ្យដែលនាងធ្វើការ កាលពីថ្ងៃទី៩ ខែសីហា។

វេជ្ជបណ្ឌិផ្សេងទៀត បានដើរចេញពីការងារជាច្រើនសប្តាហ៍ដើម្បីទាមទារយុត្តិធម៌សម្រាប់នាង និងសន្តិសុខកាន់តែប្រសើរនៅមន្ទីរពេទ្យរដ្ឋ ហើយដោយសារតែឧក្រិដ្ឋកម្មនេះ បានបង្កឱ្យមានកំហឹងនៅទូទាំងប្រទេសចំពោះកង្វះសុវត្ថិភាពសម្រាប់ស្ត្រី។

អ្នកតវ៉ាដ៏ច្រើន មានកាន់បដា និងរូបភាព បានប្រមូលផ្តុំគ្នាពីទីលានមហាវិទ្យាល័យ ទៅដល់មហាវិទ្យាល័យវេជ្ជសាស្ត្រ R.G. Kar។ ក្រុមអ្នកតវ៉ា បានទាមទារឲ្យនាំយកពិរុទ្ធជនទាំងអស់មកកាត់ទោស។

តុលាការក្នុងតំបន់ បានកាត់ទោសនគរបាលស្ម័គ្រចិត្ត លោក Sanjay Roy ឱ្យជាប់ពន្ធនាគារអស់មួយជីវិត ក្រោមការចោទប្រកាន់ពីបទរំលោភ និងសម្លាប់ កាលពីខែមករា។

ឪពុកម្តាយរបស់វេជ្ជបណ្ឌិត បាននិយាយថា ពួកគេមិនពេញចិត្តចំពោះការស៊ើបអង្កេតនេះទេ ហើយបានសង្ស័យថាមានមនុស្សច្រើននាក់ទៀតជាប់ពាក់ព័ន្ធទៅនឹងឧក្រិដ្ឋកម្មនេះ។