ប្រធានាធិបតីកូឡុំប៊ី លោក Gustavo Petro កាលពីថ្ងៃអាទិត្យ (០៩ កុម្ភៈ) បានអំពាវនាវឱ្យរដ្ឋមន្ត្រីរបស់លោក និងមន្ត្រីជាន់ខ្ពស់ផ្សេងទៀតចុះចេញពីតំណែង ខណៈភាពតានតឹងបានកើនឡើងនៅក្នុងរដ្ឋាភិបាល ប៉ុន្មានថ្ងៃបន្ទាប់ពីលោកបានរិះគន់ក្រុមការងាររបស់ខ្លួនក្នុងការផ្សាយផ្ទាល់តាមទូរទស្សន៍។

ការទាមទារឱ្យលាលែងនេះបានកើតឡើងបន្ទាប់ពីលោក Petro កាលពីថ្ងៃអង្គារសប្ដាហ៍មុន បានស្ដីបន្ទោសគណៈរដ្ឋមន្ត្រីរបស់លោកជាសាធារណៈរយៈពេល ៥ម៉ោងនៅលើកញ្ចក់ទូរទស្សន៍រដ្ឋ ដោយចោទប្រកាន់មន្ត្រីមួយចំនួន រួមទាំងរដ្ឋមន្ត្រីពាណិជ្ជកម្ម អប់រំ និងសុខាភិបាលរបស់លោកថា យឺតយ៉ាវលើការផ្តល់គម្រោងសំខាន់ៗ។

កាលពីព្រឹកថ្ងៃអាទិត្យ រដ្ឋមន្ត្រីក្រសួងបរិស្ថានរបស់ប្រទេសកូឡុំប៊ី លោកស្រី Susana Muhamad បានក្លាយជាសមាជិកគណៈរដ្ឋមន្ត្រីទីពីរក្នុងរយៈពេលមួយសប្តាហ៍ ដែលបានចុះចេញពីតំណែងបន្ទាប់ពីកិច្ចប្រជុំដ៏ចម្រូងចម្រាស ដែលក្នុងនោះលោក Petro និយាយថា រដ្ឋាភិបាលកំពុងដំណើរការមិនបានល្អ។

រដ្ឋមន្ត្រីជាច្រើនបានត្អូញត្អែរលើរដ្ឋាភិបាលរបស់ប្រធានាធិបតីរូបនេះ និងសម្ដែងការប្រឆាំងលើរដ្ឋមន្រ្តីការបរទេស លោក Laura Sarabia ដែលជាអតីតប្រធានបុគ្គលិករបស់លោក Petro និងពោរពេញដោយរឿងអាស្រូវ៕