ប្រជាពលរដ្ឋរស់នៅក្នុងទីក្រុងតេអេរ៉ង់ ប្រទេសអ៊ីរ៉ង់ និយាយថា ព្រិលបានមកយឺតក្នុងឆ្នាំនេះ ពេលដែលពួកគេលេងនៅក្នុងសួនកម្សាន្ត Parvaz ដែលគ្របដណ្តប់ដោយព្រិលស.ក្បុស ក្រោយអាកាសធាតុត្រជាក់ខ្លាំងកាលពីថ្ងៃអាទិត្យ ។

ពួកគេនិយាយថា ពួកគេមានការព្រួយបារម្ភថា កង្វះខាតព្រិល និងភ្លៀងធ្លាក់ អាចនាំឲ្យកើតមានគ្រោះរាំងស្ងួតនៅក្នុងឆ្នាំនេះ ។

លោក Arashគឺជាពលរដ្ឋមួយរូបរស់នៅក្នុងទីក្រុងតេអេរ៉ង់ និយាយថា វាពិតជាអស្ចារ្យខ្លាំងណាស់ ក្រោយទន្ទឹងរង់ចាំជាយូរ ឥឡូវពួកយើងមើលឃើញព្រិលធ្លាក់ហើយ ។ 

លោកបន្តថា បើទោះបីជាព្រិលមិនសូវច្រើនយ៉ាងណាក្តី តែពួកយើងនៅតែសប្បាយចិត្ត វាបានផ្តល់ក្តីសង្ឃឹមអំឡុងស្ថានភាពដ៏វេទនាសម្រាប់សង្គមរបស់ពួកយើង ។

ការចេញផ្សាយនៅលើគេហទំព័រ Iran Front Page កាលពីថ្ងៃសុក្រ ខេត្តភាគខាងជើងប្រទេសអ៊ីរ៉ង់ បានមើលឃើញព្រិលធ្លាក់ខ្លាំង ហើយទីភ្នាក់ងារឧតុនិយមអ៊ីរ៉ង់ ព្រមានពីការធ្លាក់ចុះសីតុណ្ហភាពត្រជាក់ខ្លាំង ៕