ប្រធានគណៈកម្មាធិការទទួលបន្ទុកកិច្ចការអន្តរជាតិរបស់សភាជាន់ទាបរបស់រុស្ស៊ី លោក Leonid Slutsky បាននិយាយថា ប្រទេសរុស្ស៊ី បានកត់សម្គាល់ពីការត្រៀមខ្លួនរបស់រដ្ឋបាលសហរដ្ឋអាមេរិកសម្រាប់ការសន្ទនា ប៉ុន្តែទីក្រុងមូស្គូ មិនបានទទួលសំណើជាក់ស្តែងណាមួយឡើយ នៅពេលនេះ។

លោកបានសរសេរនៅលើបណ្តាញសង្គម Telegram ថា៖«រុស្ស៊ីមើលឃើញការត្រៀមខ្លួនរបស់រដ្ឋបាល  អាមេរិកថ្មីសម្រាប់ការសន្ទនា ប៉ុន្តែពុំមានសំណើពិតប្រាកដទេ» ។ «យើងមិនគេចចេញពីទំនាក់ទំនង ឬការសន្ទនា រួមទាំងរវាងសមាជិកសភា។ ប៉ុន្តែកិច្ចសន្ទនាផ្លូវការរបស់យើង គួរតែធ្វើឡើង ដោយឈរលើមូលដ្ឋានស្មើភាពគ្នា ហើយត្រូវមានគោលដៅជាដំបូង និងសំខាន់បំផុត ក្នុងការលុបបំបាត់មូលហេតុឫសគល់នៃវិបត្តិអ៊ុយក្រែន។ រដ្ឋបាលនេះ ក៏គួរតែយកការពិតនៃទឹកដីនាពេលបច្ចុប្បន្ននេះ មកពិចារណាផងដែរ»។

នៅក្នុងលើកឡើងរបស់លោក មិនដូចអ្នកកាន់តំណែងមុនរបស់ខ្លួនគឺ លោក ចូ បៃដិន (Joe Biden)ទេ ប្រធានាធិបតីអាមេរិក ដូណាល់ ត្រាំ(Donald Trump) កំពុងរក្សាឱកាសសម្រាប់កិច្ចពិភាក្សា ជាមួយរុស្ស៊ីបើកចំហ» យ៉ាងហោចណាស់ក្នុងអំឡុងប៉ុន្មានពេលសប្តាហ៍ដំបូងនៃអាណត្តិប្រធានាធិបតីរបស់   លោក។

សមាជិកសភារូបនេះ បានបន្ថែមថា៖«ទោះជាយ៉ាងនេះក្តី យើងមិនទាន់ដឹងថា តើជនជាតិអាមេរិក នឹង  ប្រើប្រាស់ឱកាសនេះឬអត់»។ «ទីបំផុត វិធានការពាក់កណ្តាល ឬ ការព្យាយាមដាក់សម្ពាធ នឹងមិនបានទទួលផលអ្វីឡើយ។