លោក Dmitry Polyansky តំណាងអចិន្ត្រៃយ៍រងទី១ របស់រុស្ស៊ីប្រចាំអង្គការសហប្រជាជាតិ បាននិយាយថា ប្រទេសរុស្ស៊ី បានត្រៀមខ្លួនរួចជាស្រេចសម្រាប់កិច្ចពិភាក្សាទូលំទូលាយស្តីពីការគ្រប់គ្រងអាវុធ ជាមួយសហរដ្ឋអាមេរិក។

លោកបានសង្កត់ធ្ងន់ថា៖«ការគ្រប់គ្រងអាវុធ គឺជាបញ្ហាដ៏ស្រួចស្រាលបំផុតមួយ ដែលកើតឡើងដោយសារការបំផ្លិចបំផ្លាញឥតឈប់ឈរជាច្រើនឆ្នាំ ដោយជនជាតិអាមេរិកនៃក្របខ័ណ្ឌច្បាប់ ដែលមានស្រាប់។ ទោះបីជាមិនងាយស្រួលក្នុងការស្តារឡើងវិញក៏ដោយ យើងនឹងត្រៀមខ្លួនជាស្រេច [ដើម្បីធ្វើដូច្នេះ] ជាផ្នែកមួយនៃការចរចាដ៏ទូលំទូលាយ ដែលការព្រួយបារម្ភរបស់យើងនឹងត្រូវបានយកចិត្តទុកដាក់»។

យោងតាមលោក Polyansky បានឲ្យដឹងថា រុស្ស៊ីមិនដែលគេចពីការចរចាបែបនេះទេ។ លោកបានបញ្ជាក់ថា ការចរចាទាំងនេះ គួរតែគ្របដណ្តប់លើវិសាលភាពទាំងមូលនៃទំនាក់ទំនងរបស់យើងជាមួយសហរដ្ឋអាមេរិក ដែលមិនស្ថិតក្នុងស្ថានភាពល្អបំផុត ដើម្បីឲ្យមានប្រសើរឡើង ដោយនិយាយថា ជនជាតិអាមេរិក បានកាត់បន្ថយការសន្ទនាចំពោះបញ្ហាជាក់លាក់ ដែលពួកគេមានការព្រួយបារម្ភ។