ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជួបពិភាក្សាការងារជាមួយឯកឧត្តម លី ខឺឈាង នាយករដ្ឋមន្ត្រី នៃសាធារណរដ្ឋប្រជាមានិតចិន តាមប្រព័ន្ធវីដេអូនៅរសៀលថ្ងៃទី១៥ វិច្ឆិកានេះ។
ឯកឧត្តម អ៊ាង សុផល្លែត ជំនួយការផ្ទាល់សម្តេចតេជោ បានប្រាប់ដល់ក្រុមអ្នកសារព័ត៌មានថា ក្នុងជំនួ បនេះសម្ដេចតេជោ បានសម្តែងសេចក្ដីរីករាយដែលបានជួបពិភាក្សាការងារជាមួយឯកឧត្តម លី ខឺឈាង និងបានផ្តាំផ្ញើសួរសុខទុក្ខចំពោះឯកឧត្តមប្រធានាធិបតី ស៊ី ជីនពីងផងដែរ។ សម្តេចបានថ្លែងអំណរគុណចំពោះមិត្តចិនដែលតែងថ្វាយបដិសណ្ឋារកិច្ចយ៉ាងកក់ក្តៅចំពោះព្រះករុណា ព្រះមហាក្សត្រ និង សម្ដេចព្រះមហាក្សត្រិយ៍ ក្នុងអំឡុងពេលព្រះរាជទស្សនកិច្ចពិនិត្យព្រះរាជសុខភាពនៅប្រ ទេសចិន។ សម្ដេចក៏បានអបអរសាទរនូវការប្រារព្ធខួបអនុស្សាវរីយ៍លើកទី១០០ នៃការបង្កើតបក្សកុ ម្មុយនីស្តចិន កាលពីខែកក្កដាឆ្នាំ២០២១ និងបានកោតសរសើររដ្ឋាភិបាលនិងប្រជាជនចិនដែលអាចលុបបំបាត់ចោលទាំងស្រុងនូវភាពទីទ័លក្រក្នុងសង្គមចិន និងបានអបអរសាទរចំពោះកំណើនសេដ្ឋកិច្ចចិន៩,៨%សម្រាប់រយៈពេល៩ខែដំបូងឆ្នាំ២០២១។ សម្តេចជឿជាក់ថា៖ ក្រោមការដឹកនាំរបស់ឯកឧត្តមប្រធានាធិបតី ស៊ី ជីនពីង ការចូលរួមពីថ្នាក់ដឹកនាំចិននឹងបន្តរីកចម្រើនកាន់តែខ្លាំងឡើង។
ក្នុងជំនួបនេះសម្តេចនិងឯកឧត្តម លី ខឺឈាង ក៏បានពិភាក្សាលើទំនាក់ទំនងកិច្ចសហប្រតិបត្តិការទ្វេភាគីរវាងប្រទេសទាំងពីរ និងបានពិភាក្សាលើកិច្ចសហប្រតិបត្តិការតំបន់និងអន្តរជាតិផងដែរ។
ក្នុងក្របខណ្ឌទ្វេភាគី សម្ដេចតេជោ និងឯកឧត្តម លី ខឺឈាង បានពិភាក្សាគ្នាលើបញ្ហាសេដ្ឋកិច្ច, ពា ណិជ្ជកម្ម,កសិកម្ម,និងទំនាក់ទំនងរវាងប្រជាជននិងប្រជាជន។ ពាក់ព័ន្ធនឹងករណីនេះ សម្ដេចតេជោនិងឯកឧត្តម លី ខឺឈាង បានឯកភាពគ្នាក្នុងការជំរុញពាណិជ្ជកម្មរវាងប្រទេសទាំងពីរឱ្យបានកើនឡើ ងដល់ ១០ ពាន់លានដុល្លារក្នុងមួយឆ្នាំនិងបានឯកភាពគ្នាដាក់ឱ្យចូលជាធរមាននូវកិច្ចព្រមព្រៀងពា ណិជ្ជកម្មសេរីរវាងកម្ពុជា-ចិន នៅខែមករាខាងមុខនេះ។ ដោយឡែកលើវិស័យកសិកម្ម ឯកឧត្តម លី ខឺឈាង បានយល់ស្របនឹងជំរុញឲ្យមានការធ្វើការរួមគ្នារវាងភាគីទាំងពីរធ្វើយ៉ាងណាពិភាក្សាចរចាគ្នាលើកូតានាំអង្ករចូលទៅប្រទេសចិន នាំកសិផលកម្ពុជាចូលទៅប្រទេសចិនដោយផ្ទាល់តែម្តងតាមរយៈការបង្កើតយន្តការរួមគ្នាមួយពិនិត្យមើលលទ្ធផលទាំងឡាយណា ដែលត្រូវនាំចេញពីកម្ពុជាទៅប្រទេ សចិន គប្បីទាក់ទាញធ្វើឲ្យការនាំចេញនេះ គឺនាំចេញផ្ទាល់ទៅប្រទេសចិនតែម្ដង។ ពាក់ព័ន្ធការជំរុញទំនាក់ទំនងរវាងប្រទេសទាំងពីរ សម្ដេចតេជោ និង ឯកឧត្តម លី ខឺឈាង បានឯកភាពគ្នាថា ភាគីចិននឹងបន្តជួយដល់កម្ពុជាដោយផ្ដល់ជូនកម្ពុជានូវវ៉ាក់សាំងជួយទប់ស្កាត់កូវីដ-១៩ ហើយរយៈពេលដ៏ខ្លីខាងមុខនេះ ចិននឹងផ្ដល់វ៉ាក់សាំងដល់កម្ពុជា ក៏ដូចជាជំនួយពាក់ព័ន្ធនឹងវិស័យសុខាភិបាល និងពេទ្យព្យាបាលជំងឺកូវីដ-១៩ដល់កម្ពុជាផងដែរ។ ទន្ទឹមនេះភាគីចិននឹងផ្ដល់អាហារូបករណ៍ដល់កម្ពុជាសម្រា ប់ឆ្នាំ២០២២-២០២៣ ចំនួន ៥០០កន្លែងសម្រាប់រយៈពេល៥ឆ្នាំហើយក៏កំពុងពិនិត្យពិចារណាមើលផងដែរ ដើម្បីបើកឲ្យនិស្សិតកម្ពុជាបានត្រឡប់ទៅបន្តការសិក្សានៅប្រទេសចិនវិញនៅពេលឆាប់ខាងមុខនេះ។ ក្នុងក្របខ័ណ្ឌសហប្រតិបត្តិការតំបន់និងអន្តរជាតិឯកឧត្តម លី ខឺឈាង បានគោរពជម្រាបជូនស ម្ដេចតេជោថា ភាគីចិននឹងចូលរួមកិច្ចប្រជុំកំពូលអាស៊ីអឺរ៉ុបនៅពេលខាងមុខ នឹងផ្ដល់ការគាំទ្រជំនួយដល់កម្ពុជាក្នុងឱកាសដែលកម្ពុជាធ្វើជាប្រធានអាស៊ាននាឆ្នាំក្រោយនេះ៕ អត្ថបទ៖ មុត សុទ្ធ
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
