មន្ត្រីជាន់ខ្ពស់ម្នាក់មកពីឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) បាននិយាយកាលពីថ្ងៃអង្គារថា ជនភៀសខ្លួនស៊ីរីជាង ២៧០.000 នាក់ បានវិលត្រឡប់មកវិញហើយ ចាប់តាំងពីការដួលរលំនៃរដ្ឋាភិបាលរបស់លោក បាសា អាល់អាសាដ (Bashar al-Assad) ក្នុងខែធ្នូ ឆ្នាំ ២០២៤ ដោយជាងមួយភាគបួននៃអ្នកនៅបរទេស ដែលនៅតែសម្តែងការចង់វិលត្រឡប់មកវិញ ក្នុងប៉ុន្មានខែខាងមុខនេះ។

លោក Aseer Madaien តំណាងរងនៃបេសកកម្ម UNHCR នៅក្នុងប្រទេសស៊ីរី បានប្រាប់សារព័ត៌មាន ស៊ីនហួ ថា ចាប់តាំងពីថ្ងៃទី ០៨ ខែធ្នូ នៅពេលដែលក្រុមចម្រុះសកម្មប្រយុទ្ធ បានផ្តួលរំលំរដ្ឋាភិបាលរបស់លោក អាល់អាសាដ ទីភ្នាក់ងារនេះ បានតាមដានការកើនឡើងយ៉ាងខ្លាំងនៃការវិលត្រឡប់របស់ជនភៀសខ្លួន ដែលជាសញ្ញានៃការផ្លាស់ប្តូរគំរូនៃការធ្វើទេសន្តរប្រវេសន៍។

លោក Madaien បាននិយាយថា៖« យើងបានតាមដានពីការវិលត្រឡប់នូវជនភៀសខ្លួនស៊ីរីចំនួន ២៧០.000 នាក់ ចាប់តាំងពីការផ្លាស់ប្តូរនយោបាយ បានចាប់ផ្តើម~។ `ប្រសិនបើភាពអាចរកបាននៃសេវាកម្ម សំខាន់ៗ មានភាពប្រសើរឡើង យើងរំពឹងថា ចំនួននេះ នឹងកើនឡើងបន្ថែមទៀត។

ការស្ទង់មតិរបស់ UNHCR ក្នុងតំបន់ បានបង្ហាញថា ២៧ភាគរយនៃជនភៀសខ្លួនស៊ីរី ដែលបានស្ទង់មតិ សម្តែងឆន្ទៈវិលត្រឡប់ ទៅកាន់ប្រទេសស៊ីរីវិញ នៅឆ្នាំក្រោយ ដែលជាការកើនឡើងគួរឲ្យកត់សម្គាល់ពីត្រឹមតែ ១ភាគរយ កាលពីឆ្នាំមុន។