ប្រធានាធិបតីអ៊ុយក្រែន លោក វ៉្លូឌីមី ហ្សេឡិនស្គី (Volodymyr Zelensky) បាននិយាយនៅក្នុងបទសម្ភាសមួយ ដែលបានចេញផ្សាយកាលពីថ្ងៃអង្គារថា អ៊ុយក្រែន នឹងស្នើសុំធ្វើការដោះដូរទឹកដី ជាមួយ   រុស្ស៊ី ក្នុងការចរចាសន្តិភាពដ៏មានសក្តានុពលណាមួយ ដោយបន្ថែមថា អឺរ៉ុបតែម្នាក់ឯង នឹងមិនអាចផ្តល់ជំនួយដល់កិច្ចខិតខំប្រឹងប្រែងសង្រ្គាមរបស់ទីក្រុងគីវបានទេ។

អ្នកនាំពាក្យរបស់មេដឹកនាំអ៊ុយក្រែន បានប្រាប់សារព័ត៌មាន AFP ថា លោក ហ្សេឡិនស្គី នឹងជួបជាមួយអនុប្រធានាធិបតីអាមេរិកលោក JD Vance នៅឯសន្និសីទសន្តិសុខទីក្រុង Munich នៅថ្ងៃសុក្រ ខណៈដែលទីក្រុងវ៉ាស៊ីនតោន ជំរុញឲ្យបញ្ចប់សង្គ្រាមជិត ៣ឆ្នាំ ជាមួយរុស្ស៊ី។

លោក Vance ជាអ្នកតាមដានជាប្រចាំចំពោះការគាំទ្ររបស់សហរដ្ឋអាមេរិក ដែលមានសារៈសំខាន់សម្រាប់កិច្ចខិតខំប្រឹងប្រែងសង្រ្គាមរបស់អ៊ុយក្រែន។

លោក ហ្សេឡិនស្គី បានប្រាប់សារព័ត៌មាន Guardian នៅក្នុងបទសម្ភាសន៍មួយ ដែលបានចេញផ្សាយនៅលើគេហទំព័ររបស់កាសែតចក្រភពអង់គ្លេស កាលពីថ្ងៃអង្គារថា៖«មានសំឡេងដែលនិយាយថា អឺរ៉ុបអាចផ្តល់ការធានាសន្តិសុខ ដោយពុំចាំបាច់មានជនជាតិអាមេរិក ហើយខ្ញុំតែងតែនិយាយថា «ទេ» ។

លោកបានបន្ថែមថា៖«ការធានាសុវត្ថិភាពដោយគ្មានសហរដ្ឋអាមេរិក មិនមែនជាការធានាសុវត្ថិភាពពិតប្រាកដនោះទេ»។ លោក ត្រាំ មានបំណងចង់ឲ្យភាគីទាំងពីរ ឈានដល់កិច្ចព្រមព្រៀងមួយ ដែលលក្ខខណ្ឌជាប្រភពនៃការព្រួយបារម្ភ ក្នុងប្រទេសអ៊ុយក្រែន។