ប្រធានាធិបតីថ្មីនៃសាធារណរដ្ឋអារ៉ាប់ស៊ីរី លោក Ahmed Al-Sharaa បាននិយាយនៅក្នុងសុន្ទរកថា ដែលបានចាក់ផ្សាយកាលពីថ្ងៃចន្ទថា លោកជឿជាក់ថា ផែនការរបស់ប្រធានាធិបតីអាមេរិក លោក (Donald Trump) ក្នុងការផ្លាប់ប្តូរទីលំនៅរបស់ប៉ាឡេស្ទីនចេញពីតំបន់ហ្កាហ្សា និងគ្រប់គ្រងតំបន់ «គឺជាឧក្រិដ្ឋកម្មដ៏ធ្ងន់ធ្ងរ ដែលនឹងត្រូវបរាជ័យជាទីបំផុត»។

លោក ត្រាំ បាននិយាយថា សហរដ្ឋអាមេរិក នឹងកាន់កាប់តំបន់ហ្កាហ្សាស្ទ្រីប ដែលបំផ្លិចបំផ្លាញដោយសង្រ្គាម ហើយអភិវឌ្ឍន៍វាឲ្យក្លាយជាតំបន់សេដ្ឋកិច្ច បន្ទាប់ពីប៉ាឡេស្ទីន ត្រូវបានតាំងទីលំនៅថ្មី នៅកន្លែងផ្សេង។ លោកបានបន្តថា ប្រជាជនប៉ាឡេស្ទីន នឹងមិនមានសិទ្ធិវិលត្រឡប់ទៅតំបន់ហ្កាហ្សាវិញទេ នៅក្រោម សំណើរបស់លោកឡើយ។

នៅក្នុងបទសម្ភាសន៍ជាមួយគេហទំព័រព័ត៌មានរបស់ចក្រភពអង់គ្លេស លោក Sharaa ដែលជាអ្នកកាន់សាសនាឥស្លាម ដែលក្រុមសកម្មប្រយុទ្ធ Hayat Tahrir Al-Sham របស់ខ្លួន ធ្លាប់ជាសាខារបស់អាល់កៃដា បាននិយាយថា សំណើរបស់លោក ត្រាំ នឹងមិនជោគជ័យទេ។

លោកបានបន្ថែមទៀតថា៖«ខ្ញុំជឿថា គ្មានអំណាចណា អាចបណ្ដេញប្រជាជនចេញពីដីរបស់ខ្លួនបានទេ។ ប្រទេសជាច្រើន បានព្យាយាមធ្វើបែបនេះ ប៉ុន្តែពួកគេទាំងអស់ បានបរាជ័យ ជាពិសេសក្នុងអំឡុងពេលសង្រ្គាមថ្មីៗនេះ នៅតំបន់ហ្កាហ្សា ក្នុងរយៈពេលមួយឆ្នាំកន្លះ កន្លងទៅនេះ»។