ស្វាយរៀង ៖ លោកព្រហ្ម ម៉ារិន និវត្តជន ត្រូវបានរដ្ឋបាលឃុំ និងពលរដ្ឋនៅក្នុងភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង(តំបន់ផ្ទះ៤០០ខ្នង)ចាត់ទុកជាជនគំរូ ក្នុងការរស់នៅនិងរៀបចំផែនការកសាងសេដ្ឋកិច្ចគ្រួសារ បន្ទាប់ពីលោកទទួលបានរបបផ្ទះនិង ដីសេដ្ឋកិច្ចគ្រួសារពីរាជរដ្ឋាភិបាលកន្លងមក។

 លោកព្រហ្ម ម៉ារិន បានបញ្ជាក់ប្រាប់ទូរទស្សន៍ btv នៅថ្ងៃទី១២ ខែកុម្ភៈ ឆ្នាំ២០២៤នេះឲ្យដឹងថាការដែលលោកទទួលបានការកោតសរសើរពីរដ្ឋបាលឃុំ ក៏ដូចជាពលរដ្ឋនៅក្នុងតំបន់ផ្ទះ៤០០ខ្នង មកពីលោកនិងគ្រួសារលោកបានរៀបចំភូមិដ្ឋាន នឹងធ្វើការងារបង្ករបង្កើតផលនៅលើផ្ទៃដីដែលរាជរដ្ឋាភិបាលចែកផ្ដល់ជូនដល់អតីតយុទ្ធជន និងចិញ្ចឹមសត្វដើម្បីលើកកម្ពស់សេដ្ឋកិច្ចគ្រួសារបន្ថែមលើគោលរបបដែលរាជរដ្ឋាភិបាលផ្ដល់ជូនដល់អតីតយុទ្ធជន ជានិវត្តជន ។សំឡេង......

 សូមបញ្ជាក់ថា ផ្ទះគោលនយោបាយ ដែលរាជរដ្ឋាភិបាលចែកផ្តល់ជូនអតីតយុទ្ធជន របួសពិការ និងគ្រួសារអតីតយុទ្ធជនពលី ពិការ និងមរណះនៅខេត្ត រហូតមកដល់បច្ចុប្បន្ននេះមានចំនួនជាង៥០០ខ្នង ខណៈដែលនិវត្តន៍ជនជាអតីតយុទ្ធជន បានចូលមករស់នៅនិងបង្កបង្កើនផលជាបន្តបន្ទាប់ ក្រោមការឧបត្ថម្ភពីរដ្ឋបាលខេត្តមន្ទីរអង្គភាពពាក់ព័ន្ធពូជបន្លែ និងដំណាំហូបផ្លែធ្វើឲ្យជីវភាពនិវត្តជនជាអតីតយុទ្ធជនរស់នៅមានជីវភាពល្អប្រសើរ។ ដោយ ៖ ភា សារិទ្ធ