នគរបាល បាននិយាយថា អ្នកបំផ្ទុះគ្រាប់បែកអត្តឃាតម្នាក់ បានសម្លាប់មនុស្ស ៥នាក់ រួមទាំងកងកម្លាំងសន្តិសុខតាលីបង់ កាលពីថ្ងៃអង្គារ នៅក្នុងការផ្ទុះមួយ នៅខាងក្រៅធនាគារមួយ នៅភាគខាងជើងប្រទេសអាហ្វហ្គានីស្ថាន។

មនុស្ស ៧នាក់ ក៏បានរងរបួស នៅក្នុងការវាយប្រហារ ដែលបានកំណត់គោលទៅលើមនុស្ស ដែលកំពុងឈរតម្រងរង់ចាំបើកប្រាក់បៀវត្សរ៍របស់ពួកគេ ពីធនាគារមួយ នៅក្នុងទីក្រុង Kunduz រដ្ឋធានីនៃខេត្ត Kunduz ។

លោក Jumadin Khaksar អ្នកនាំពាក្យនគរបាលខេត្ត Kunduz បាននិយាយថា៖«អ្នកបំផ្ទុះគ្រាប់បែកអត្តឃាតម្នាក់ ដែលមានគ្រឿងបំផ្ទុះ បានបំផ្ទុះខ្លួនឯង។

លោកបាននិយាយថា ជនស៊ីវិល មន្ត្រីរាជការ និងសមាជិកនៃកងកម្លាំងសន្តិសុខតាលីបង់ គឺស្ថិតក្នុងចំណោមអ្នកដែលបានស្លាប់។

ទីបញ្ជាការដ្ឋាននគរបាលខេត្ត Kunduz កំពុងសហការជាមួយអង្គការពាក់ព័ន្ធ ដើម្បីស្វែងរកចាប់ខ្លួនជនដៃដល់ ក្នុងហេតុការណ៍នេះ ហើយនាំពួកគេ មកកាត់ទោស។