ផ្សារភាគហ៊ុនរបស់សហរដ្ឋអាមេរិក និងអឺរ៉ុប បានហក់ឡើងនៅថ្ងៃព្រហស្បតិ៍ទី១៣កុម្ភៈនេះ លើសុទិដ្ឋិនិយមពីការរំពឹងទុកនៃកិច្ចព្រមព្រៀងសន្តិភាពរវាងអ៊ុយក្រែន និងរុស្ស៊ី ដោយចាប់ផ្ដើមរុញឲ្យផលចំណូលពីបណ្ណបំណុលរតនាគារកើនឡើង ខណៈអតិផរណាខ្ពស់ គំរាមបិទទ្វារចំពោះការបន្ធូរបន្ថយគោលនយោបាយមួយចំនួនក្នុងសហរដ្ឋអាមេរិកនៅឆ្នាំនេះ។ 

ក្ដីបារម្ភពីសង្រ្គាមពាណិជ្ជកម្មសកលនៅតែបន្ត ខណៈប្រធានាធិបតីអាមេរិកលោក Donald Trump បាននិយាយថា លោកនឹងដំឡើងពន្ធទៅវិញទៅមកភ្លាមៗកាលពីល្ងាចថ្ងៃពុធសប្ដាហ៍នេះ លើគ្រប់ប្រទេសដែលគិតពន្ធលើការនាំចូលរបស់សហរដ្ឋអាមេរិក។ តម្លៃមាស បានហក់ឡើងបន្តិចពីកម្រិតខ្ពស់បំផុតរបស់ខ្លួន។

ប្រាក់យ៉េនជប៉ុន គឺជារូបិយប័ណ្ណធ្លាក់ចុះខ្លាំងជាងគេបំផុតនៅចំពោះមុខនឹងទិន្នផលខ្ពស់របស់សហរដ្ឋអាមេរិក ខណៈប្រាក់អឺរ៉ូត្រូវបានជួយឲ្យងើបឡើង ដោយសារការសន្ទនាតាមទូរស័ព្ទរបស់លោក Trump ជាមួយប្រធានាធិបតីរុស្ស៊ីលោក Vladimir Putin និងលោក Volodymyr Zelenskiy របស់អ៊ុយក្រែនដោយបង្កើនក្តីសង្ឃឹមថាសង្គ្រាមដែលអូសបន្លាយជាច្រើនឆ្នាំអាចជិតដល់ទីបញ្ចប់។

នៅអាស៊ី ភាគហ៊ុន EUROSTOXX 50 បានកើនឡើង ១ ភាគរយ។ ភាគហ៊ុន Nasdaq បានកើនឡើង ០,៤% ខណៈភាគហ៊ុន S&P 500 បានកើនឡើង ០,២%។ ផ្សារភាគហ៊ុន Nikkei របស់ជប៉ុនបានកើនឡើង១,១%ខណៈដែលសន្ទស្សន៍ភាគហ៊ុនអាស៊ីប៉ាស៊ីហ្វិកដ៏ទូលំទូលាយរបស់សន្ទស្សន៍ភាគហ៊ុនសកល MSCI នៅខាងក្រៅប្រទេសជប៉ុនបានកើនឡើង ០,៣%៕