ភាគហ៊ុនអាស៊ី បានតាមដានផ្សារហ៊ុន Wall Street របស់អាមេរិក ដោយកើនឡើងខ្ពស់ខ្លាំងនៅថ្ងៃសុក្រ (១៤ កុម្ភៈ) នេះ ខណៈប្រាក់ដុល្លារបានធូរស្រាល ស្របពេលអ្នកវិនិយោគកំពុងទប់ទល់នឹងការដំឡើងពន្ធទៅវិញទៅមករបស់លោកប្រធានាធិបតីអាមេរិក Donald Trump ដែលមិនត្រូវបានដាក់ភ្លាមៗទេ ក៏ដូចជាទិន្នន័យរបស់អាមេរិក ដែលកាត់បន្ថយក្ដីបារម្ភរបស់វិនិយោគិនលើអតិផរណា។

ផែនការរបស់លោក Trump ក្នុងការយកពន្ធទៅវិញទៅមកលើគ្រប់ប្រទេសដែលយកពន្ធលើការនាំចូលរបស់សហរដ្ឋអាមេរិក បានធ្វើឱ្យមានការព្រួយបារម្ភអំពីសង្រ្គាមពាណិជ្ជកម្មពិភពលោក ដោយជំរុញឱ្យតម្លៃមាសឡើងដល់កម្រិតខ្ពស់កាលពីដើមសប្តាហ៍នេះ។

យ៉ាងណាមិញ ក្រឹត្យរបស់លោក Trump កាលពីថ្ងៃព្រហស្បតិ៍ មិនបានបញ្ជាក់ការដាក់ពន្ធថ្មីទេ តែជំនួសមកវិញគឺជាអ្វីដែលអាចជាច្រើនសប្តាហ៍ ឬច្រើនខែនៃការស៊ើបអង្កេតលើការយកពន្ធលើទំនិញអាមេរិក ដោយដៃគូពាណិជ្ជកម្មផ្សេងទៀត ហើយបន្ទាប់មកបង្កើតការឆ្លើយតប។

នៅតំបន់អាស៊ី ការចាប់អារម្មណ៍កំពុងកើនឡើងក្នុងភាគហ៊ុនបច្ចេកវិទ្យាចិន ជាមួយនឹងសន្ទស្សន៍ Hang Seng Tech ឈានដល់កម្រិតខ្ពស់បំផុតក្នុងពេល ៣ឆ្នាំកាលពីថ្ងៃព្រហស្បតិ៍ ដែលជំរុញដោយការងើបឡើងរបស់ក្រុមហ៊ុន AI ថ្មី DeepSeek។ នៅថ្ងៃសុក្រនេះ សន្ទស្សន៍ភាគហ៊ុនគោលរបស់ក្រុងហុងកុង បានកើនឡើង ១,៦% ដោយនាំយកកំណើនប្រចាំសប្តាហ៍របស់ខ្លួនដល់ប្រហែល ៥% នៃសប្តាហ៍ទី៥ ជាប់ៗគ្នា និងជាដំណើរការប្រចាំសប្តាហ៍ដ៏រឹងមាំបំផុតក្នុងរយៈពេល ៤ខែ៕