រដ្ឋមន្ត្រីការពារជាតិអាមេរិក លោក Pete Hegseth បាននិយាយនៅក្នុងសន្និសីទសារព័ត៌មាន នៅទីក្រុងប្រ៊ុចសែល បន្ទាប់ពីកិច្ចប្រជុំរបស់រដ្ឋមន្ត្រីការពារជាតិណាតូ ក្រុមមេដឹកនាំអឺរ៉ុប ត្រូវតែទទួលខុសត្រូវចម្បងសម្រាប់ការធានាសន្តិសុខរបស់ទ្វីបអឺរ៉ុប។

លោកបាននិយាយថា៖«ក្រុមមេដឹកនាំនៃសម្ព័ន្ធមិត្តអឺរ៉ុបរបស់យើង គួរតែទទួលខុសត្រូវសំខាន់សម្រាប់ការការពារទ្វីបនេះ»។

ប្រមុខមន្ទីរបញ្ចកោណបានបន្ថែមថា៖«នេះ គឺជាកត្តាចាំបាច់ដែលទាក់ទងនឹងការពិតជាយុទ្ធសាស្រ្តដែលយើងកំពុងជួបប្រទេះ ហើយនោះចាប់ផ្តើមជាមួយនឹងការបង្កើនការចំណាយលើវិស័យការពារជាតិ»។ លោកបានបញ្ជាក់ថា៖«២% គឺជាការចាប់ផ្តើម ដូចដែលលោកប្រធានាធិបតី ត្រាំ បាននិយាយ ប៉ុន្តែវាមិនគ្រប់គ្រាន់ទេ។ មិនមែន ៣% ឬ ៤% ច្រើនត្រឹម ៥% ដែលនេះ គឺការវិនិយោគពិតប្រាកដ ភាពបន្ទាន់ពិតប្រាកដ» ។

ក្នុងរយៈពេលប៉ុន្មានថ្ងៃថ្មីៗនេះ ប្រធានាធិបតីអាមេរិក លោក ដូណាល់ ត្រាំ បានអះអាងម្តងហើយម្តងទៀតថា លោកនឹងជំរុញសម្ព័ន្ធមិត្តណាតូ បង្កើនការចំណាយលើវិស័យការពារជាតិដល់ ៥% នៃផលិតផលក្នុងស្រុកសរុប (GDP)។

ប្រទេសសម្ព័ន្ធមិត្ត បានកំណត់ភារកិច្ច ដើម្បីនាំយកការចំណាយយោធារបស់ពួកគេដល់ ២% នៃផលិតផលក្នុងស្រុកសរុប នៅឯកិច្ចប្រជុំកំពូល នៅប្រទេស Wales ក្នុងខែកញ្ញា ឆ្នាំ ២០២៤ ដោយជំរុញឲ្យបង្កើនការចំណាយ ដោយសារ «ការគំរាមកំហែងរបស់រុស្ស៊ី» ទាក់ទងនឹងការបង្រួបបង្រួមគ្រីម៉េ ជាមួយរុស្ស៊ី។ នៅខែកក្កដា ឆ្នាំ ២០២៣ កិច្ចប្រជុំកំពូលនៅទីក្រុង Vilnius នៃប្រទេសលីទុយអានី បានសម្រេចចិត្តថា ២%នៃផលិតផលក្នុងស្រុកសរុប គួរតែក្លាយជាកម្រិតអប្បបរមានៃការចំណាយលើវិស័យការពារជាតិសម្រាប់ប្រទេសណាតូ ជាជាងគោលដៅមួយ។