ទស្សនវិស័យសន្តិភាពក្នុងប្រទេសមីយ៉ានម៉ា មើលទៅមានភាពមិនច្បាស់លាស់ ខណៈដែលសង្គ្រាមស៊ីវិលកំពុងបន្តរាលដាល បើទោះបីជាមានសម្ពាធអន្តរជាតិលើយោធា រយៈពេល ៤ឆ្នាំ បន្ទាប់ពីខ្លួនបានដណ្តើមអំណាចពីរដ្ឋាភិបាលស៊ីវិលជាប់ឆ្នោតក៏ដោយ។

ស្ថានការណ៍នយោបាយ នៅតែតានតឹង ដោយគ្មានឱកាសចរចាដែលអាចនឹងកើតឡើង រវាងរដ្ឋាភិបាលយោធានិងក្រុមប្រឆាំងធំៗ ដែលប្រឆាំងនឹងខ្លួននោះ ។

កម្មវិធីអភិវឌ្ឍន៍របស់អង្គការសហប្រជាជាតិបានកម្មវិធីអភិវឌ្ឍន៍របស់អង្គការសហប្រជាជាតិ បានលើកឡើងថា រយៈពេល ៤ឆ្នាំ បន្ទាប់ពីការគ្រប់គ្រងដោយកងទ័ព នៅថ្ងៃទី ០១ ខែកុម្ភៈ ឆ្នាំ ២០២១ បានបង្កើតស្ថានការណ៍ដ៏ធ្ងន់ធ្ងរនៃវិបត្តិជាច្រើន ដែលបានកើតឡើងបន្តបន្ទាប់គ្នា ដែលបានបណ្តាលឲ្យប្រជាជនជិតពាក់កណ្តាល ធ្លាក់ក្នុងភាពក្រីក្រ និងសេដ្ឋកិច្ចស្ថិតក្នុងភាពច្របូកច្របល់។

ការិយាល័យសិទ្ធិមនុស្សរបស់អង្គការសហប្រជាជាតិ បាននិយាយថា យោធាបានបង្កើនអំពើហិង្សាលើជនស៊ីវិល កាលពីឆ្នាំមុន ដល់កម្រិតដែលមិនធ្លាប់មានពីមុនមក ដោយបង្កឲ្យជនស៊ីវិលស្លាប់ច្រើនបំផុត ចាប់តាំងពីកងទ័ពគ្រប់គ្រង ខណៈដែលការក្តោបក្តាប់អំណាចរបស់ខ្លួន បានចុះខ្សោយ។